ສູດເຄື່ອງດື່ມນ້ຳຊີນນາລີ່ບັນເທົາຄວາມດັນໂລຫິດ

ສູດເຄື່ອງດື່ມນ້ຳຊີນນາລີ່ບັນເທົາຄວາມດັນໂລຫິດ

                ຊີນນາລີ່ເປັນຜັກທີ່ມີກີ່ນເປັນເອກກະລັກ ປົກກະຕິແລ້ວຊີນນາລີ່ຈະໃສມາໃນອາຫານຈຳພວກຊຸບຫຼືຊຸກກີ້ ບາງຄົນກໍ່ວ່າມີກີ່ນຂີວຫຼາຍແຕ່ບາງຄົນກໍ່ມັກ ແລະ ບອກວ່າມີກີ່ນຫອມ ແຕ່ເລື່ອງປະໂຫຍດແລ້ວບໍ່ມີໃຜປະຕິເສດໄດ້ວ່າຊີນນາລີ່ນັ້ນເປັນຜັກທີ່ມີປະໂຫຍດກັບຮ່າງກາຍຫຼາຍ ໂດຍສະເພາະຄົນທີ່ມີປັນຫາຄວາມດັນໂລຫິດສູງ.

ຄວາມດັນໂລຫິດສູງເປັນໂລກເຮື້ອຮັງຊະນິດໝຶ່ງທີ່ຜູ້ປ່ວຍມີຄວາມດັນເລືອດໃນຫຼອດເລືອດແດງສູງກວ່າປົກກະຕິຕະຫຼອດເວລາ ຄວາມດັນໂລຫິດໝາຍເຖິງ ຄວາມດັນເລືອດຫຼາຍກວ່າຫຼືເທົ່າກັບ 140/90 ມິນລີເມດ ອາການຄວາມດັນໂລຫິດສູງຕໍ່ເນື່ອງເມື່ອຜ່ານໄປເປັນປັດໃຈສ່ຽງສຳຄັນຂອງໂລກຫົວໃຈເຫດຄວາມດັນໂລຫິດສູງ ໂລກຫຼອດເລືອດຫົວໃຈ ໂລກຫຼອດເລືອດສະໝອງ ທໍ່ເລືອດແດງໂປ່ງພ່ອງ ໂລກຫຼອດເລືອດແດງສ່ວນປາຍ ແລະ ໂລກໂຕເຮື້ອຮັງ

ການປັບປ່ຽນພຶດຕິກຳຢ່າງມີປະສິດທິພາບສາມາດລົດຄວາມດັນໂລຫິດ ໄດ້ທຽບເທົ່າກັບການການໃຊ້ຢາລົດຄວາມດັນໂລຫິດທັງການຄວບຄຸມນ້ຳໜັກການລົດໂຊຕ້ຽມໃນອາຫານ ອອກກຳລັງກາຍສະໝ່ຳສະເໝີ ລົດການດື່ມແອລກໍຮໍ ແລະ ຮັບປະທານອາຫານທີ່ມີປະໂຫຍດໂດຍສະເພາະຜັກໝາກໄມ້.

            ນອກຈາກປະໂຫຍດເລື່ອງວິຕາມີນຕ່າງໆ ຄືກັບຜັກທົ່ວໆໄປແລ້ວ ຊີນນາລີ່ນັ້ນເປັນຜັກທີ່ດີຕໍ່ຄົນທີ່ມີອາການຄວາມດັນໂລຫິດສູງ ເພາະມີທາດໂພແທສຊ້ຽມ ຊ່ວຍປັບລະດັບຄວາມດັນເລືອດໃຫ້ເປັນປົກກະຕິ ແລະ ນອກຈາກຈະໃຊ້ເປັນສ່ວນປະສົມໃຫ້ກີ່ນອາຫານແລ້ວຍັງສາມາດນຳມາເຮັດເຄື່ອງດື່ມໄດ້ ໂດຍມື້ນີ້ຈະເວົ້າຮອດສູດນ້ຳຜັກໝາກໄມ້ທີ່ໃຊ້ເຄື່ອງສະກັດເຮັດໃຫ້ສານອາຫານຍັງຢູ່ຢ່າງຄົບຖ້ວນ ແລະ ຍັງງ່າຍພຽງແຕ່ໃສ່ຜັກໝາກໄມ້ຕາມສູດລົງໄປໃນເຄື່ອງ ຊື່ງມີນຳກັນທັງໝົດ 3 ສູດ ໃຫ້ລອງຊຶບກັນວັດຖຸດິບທີ່ສຳຄັນກໍ່ຄືກຽມຊີນນາລີ່ໃຫ້ພ້ອມແລ້ວເຮົາກັນເລີຍ.

ສູດທີ່ 1 :

  • ຊີນນາລີ່ 2 ກ້ານ.
  • ກະລົດ 2 ໝ່ວຍ.
  • ແອັບເປີ້ນ 2 ໝ່ວຍ.

ສູທີ່ 2 :

  • ຊີນນາລີ່ 3 ກ້ານ.
  • ແອັບເປີ້ນ 2 ໝ່ວຍ.
  • ໝາກເພັດຫວານ 2 ໝ່ວຍ.
  • ໝາກນາກ ½ ໝ່ວຍ ( ຄັ້ນເອົາແຕ່ນ້ຳ ).

ສູດທີ່ 3 :

  • ຊີນນາລີ່ 3 ກ້ານ.
  • ໝາກແຕງ 2 ໝ່ວຍ.
  • ແອັບເປີ້ນ 1 ໝ່ວຍ.
  • ຂິງ 1 ກື້ມ.
  • ໝາກນາວ 1 ໝ່ວຍ ( ຄັ້ນເອົາແຕ່ນ້ຳ ).
ບົດຄວາມກອ່ນໜ້ານີ້ ຜົນກະທົບຈາກການຕັດໄມ້ທຳລາຍປ່າ ແລະວິທີປ້ອງກັນ

Leave a comment

ຄຳຄິດເຫັນຕ້ອງໄດ້ຮັບອະນູຍາດກອ່ນທີ່ຈະປາກົດ

* Required fields