7 ຄຸນປະໂຫຍດຂອງ (ເກືອ)

            ເກືອເປັນວັດຖຸດິບຫຼັກອີກຊະນິດໝຶ່ງທີ່ໃຊ້ໃນການປຸງແຕ່ງອາຫານ ເກືອຈຶ່ງນິຍົມນຳມາປະກອບອາຫານຫຼາຍຊະນິດບໍ່ວ່າຈະເປັນຕົ້າ,ຜັ,ແກງ ຫຼືນຳມາຕັດລົດຊາດຂອງເຄື່ອງດື່ມຫຼືຂອງຫວານ ນອກຈາກໃຊ້ຮັບປະທານແລ້ວຍັງມີປະໂຫຍດຢ່າງອື່ນອີກຫຼາຍ ເຮົາມາເບິ່ງນຳກັນວ່າເກືອນັ້ນມີປະໂຫຍດຫຍັງແນ່.

1. ປະໂຫຍດຂອງເກືອໃຊ້ປັບລົດຊາດຂອງອາຫານ ຖືວ່າເປັນວັດຖຸດິບທີ່ນິຍົມນຳມາປັບລົດຊາດອາຫານ ແລະ ເຄື່ອງດື່ມ ໂດຍສະເພາະນ້ຳໝາກໄມ້ທີ່ມີລົດຊາດໂດດເດັ່ນຈົນເກີນໄປເຊັ່ນ: ໝາກກ້ຽງ,ແອັບເປີ້ນແລະສະຕໍເບີລີ່ ຖ້າຕື່ມເກືອລົງໄປໝ້ອຍໝຶ່ງຈະເຮັດໃຫ້ລົດຊາດເຄື່ອງດື່ມນັ້ນກົມກ່ອມ.
2. ປະໂຫຍດຂອງເກືອຊ່ວຍປ້ອງກັນໂລກຄໍພອກ ອາການຄໍພອກເກີດຈາກສາເຫດຫຼັກຄືຂາດ ( ໄອໂອດີນ ) ໂດຍໄອໂອດີນນີ້ຈະພົບໃນອາຫານທະເລ ດັ່ງນັ້ນໃນການປະກອບອາຫານຈຶ່ງຄວນເຕີມເກືອລົງໄປແທນເພື່ອເພີ່ມໄອໂອດີນໃຫ້ກັບຮ່າງກາຍ.
3. ປະໂຫຍດຂອງເກືອປ້ອງກັນຟັນພຸ ໃນອະດີດຄົນບູຮານມັກເຮັດຄວາມສະອາດແຂ້ວໂດຍການອົມເກືອ ຫຼື ໃຊ້ເກືອຖູແຂ້ວເພື່ອລົບຄາບຫີນປູນ ເນື່ອງຈາກເກືອມີລິດກັດຄາບຫີນປູນ ແລະ ຮັກສາເນື້ອແຂ້ວໄດ້ດີ.
4. ປະໂຫຍດຂອງເກືອຂັດຜີວໃຫ້ສະອາດ ປັດຈຸບັນເກືອໄດ້ຖືກນຳມາແປຮູບເປັນຜະລິດຕະພັນດູແລຜີວກາຍຈຳນວນຫຼາຍ ໝຶ່ງໃນນັ້ນຄືເກືອສະປາທີ່ນຳມາໃຊ້ຂັດເພື່ອຜັດເຊວຜີວທີ່ຕາຍແລ້ວ ຫຼື ຂີ້ໄຄ.
5. ປະໂຫຍດຂອງເກືອເຮັດຄວາມສະອາດເຕົາລືດ ວິທີການເຮັດງ່າຍໆ ດ້ວຍການເທເກືອໃສເຈ້ຍ ຈາກນັ້ນສຽບປັກໄຟຖ້າໃຫ້ເຕົາລືດຮ້ອນ ແລ້ວນຳໄປລືດກັບເຈ້ຍທີ່ເທເກືອໄວ້ນັ້ນ ວິທີນີ້ຈະເຮັດໃຫ້ຄາບໄໝ້ອອກໄດ້ຢ່າງງ່າຍດາຍ.
6. ປະໂຫຍດຂອງເກືອໃຊ້ໝັກອາຫານ ເກືອເປັນວັດຖຸດິບລັກໃນການໝັກອາຫານທີ່ນິຍົມໃຊ້ກັນຫຼາຍ ໂດຍສາມາດມັກໄດ້ທັງຜັກ ປາ ເນື້ອສັດ ຍົກຕົວຢ່າງເຊັ່ນ: ການນຳເນື້ອເນື້ອແດດດຽວຫຼືປາເຄັມ ທີ່ຈະໝັກກັບເກືອແລ້ວນຳໄປຕາກແດດໄວ້ເພື່ອຂ້າເຊື້ອໂລກ ຫຼື ການໃຊ້ເກືອໃນການເຮັດໄຂ່ເຄັມເພື່ອຍືດອາຍຸຂອງໄຂ່ເປັດ.
7. ປະໂຫຍດຂອງເກືອແກ້ອາການຜື່ນຄັນ ເນື່ອງຈາກເກືອມີສັບພະຄຸນໃນການຂ້າເຊື້ອໂລດໄດ້ດີ ໂດຍສະເພາະຜົດຜື່ນທີ່ເປັນກັນຫຼາຍໃນໝ້າຮ້ອນຫຼືໃນຊ່ວງຖືພາ ວິທີການໃຊ້ເກືອບຳບັດເຮັດໄດ້ງ່າຍໆ ດ້ວຍການປະສົມນ້ຳອຸ່ນອາບນອກຈາກຮັກສາອາການຜື່ນຄັນແລ້ວ ຍັງສາມາດຜ່ອນຄາຍກລາມເນື້ອ ແລະ ລົດອາການເຈັບປວດໄດ້ອີກ.

ຫຼັງຈາກທີ່ໄດ້ເຫັນປະໂຫຍດຂອງ (ເກືອ) ນອກຈາກຈະໃຫ້ຄວາມເຄັມແລ້ວຍັງມີສັບພະຄຸນອື່ນໆອີກຫຼາຍ ດັ່ງນັ້ນການບໍລິໂພກໍ່ຄວນບໍລິໂພກແຕ່ພໍດີ ເພື່ອບໍ່ໃຫ້ຮ່າງກາຍຂາດໂຊດ້ຽມແລະໄອໂອດີນ ເພື່ອບໍ່ໃຫ້ໄຕເຮັດງານໜັກຈົນເກີນໄປເພາະອາດເກີດໂລກໄຕໄດ້ໃນອານາຄົດ.

Credit: www.letterplanet.com