7 ຄຸນປະໂຫຍດຂອງໝາກປີ( Banana Blossom ) ເທຣນນີ້ກຳລັງມາແຮງ ກິນແທນເນື້ອສັດ ແຄຣໍລີຕ່່ຳ

ໝາກປີ( Banana Blossom ) ຫຼື (Banana Flower ) ຖືວ່າເປັນກະແສອາຫານເພື່ອສູຂະພາບທີ່ມາແຮງໃນຕ່າງປະເທດໂດຍສະເພາະໃນກຸ່ມຄົນທີ່ກິນມັງສະວີຣັດ ເພາະວ່າ ໝາກປີມີເສັ້ນໄຍໜຽວແໜ້ນ ໃຫ້ລົດຊາດຄ້າຍຄືກັບເນື້ອສັດ ແລະ ທີ່ສຳຄັນ ໝາກປີ ມີແຄລໍຣີ່ຕ່ຳຫຼາຍ ຄົນທີ່ກຳລັງລົດນ້ຳໜັກກໍ່ສົນໃຈເທຣນກິນໝາກປີຄືກັນ ດັ່ງນັ້ນມັນຈື່ງບໍ່ແປກ ທີ່ລາຄາຂອງໝາກປີໃນຕ່າງປະເທດ ຈະສູງເຖິງກິໂລລະ 1000฿ ! ວ້າວໆ....ລາຄາສູງຂະໜາດນີ້ເຮົາຕ້ອງມາອ່ານຄຸນປະໂຫຍດຂອງໝາກປີແລ້ວລະ ວ່າໝາກປີມີຄຸນປະໂຫຍດດີແນວໃດ ?

          ຄຸນຄ່າທາງໂພຊະນາການຂອງໝາກປີ( Banana Blossom ) :

      ຂໍມູນຈາກກົມໂພຊະນາການ ກົມອະນາໄມ ກະຊວງສາທາລະນະສຸກ ສະແດງຄຸນຄ່າທາງໂພຊະນາການຂອງໝາກປີໃນປະລິມານ 100 ກຣາມ ດັ່ງນີ້:

          ພະລັງງານ 28 ກິໂລແຄລໍຣີ່, ນ້ຳ 9.23 ກຣາມ, ໂປຣຕີນ 1.4 ກຣາມ, ໄຂມັນ 0.2 ກຣາມ, ແຄນຊ່ຽມ 40 ມິນລີກຣາມ, ທາດເຫຼັກ 0.7 ມິນລິກຣາມ, ໄທອະມິນ 0.01 ມິນລີກຣາມ, ວິຕາມິນເອ 26 ໄມໂຄຣກຣາມ, ໄຮໂບຟຣາວິນ 0.02 ມິນລີກຣາມ, ໄນອະຊິນ 0.6 ມິນລີກຣາມ ແລະ ວິຕາມິນຊີ 25 ມິນລີກຣາມ.

       ປະໂຫຍດຂອງໝາກປີ( Banana Blossom )ມີຄື:

1. ບຳລຸງເລືອດ

ໝາກປີ ( Banana Blossom ) ມີທາດເຫຼັກສູງ ຊ່ວຍບຳລຸງເລືອດ ປ້ອງກັນເລືອດຈາງ ໂດຍສະເພາະໃນແມ່ຍິງຖືພາ ຫຼື ແມ່ຍິງທີ່ເກິດລູກແລ້ວ

2. ເພີ່ມນ້ຳນົມ

ດ້ວຍສັບພະຄຸນຂອງໝາກປີທີ່ຊ່ວຍບຳລຸງເລືອດ ເຮັດໃຫ້ໝາກປີມີປະໂຫຍດໃນການຊ່ວຍເພີ່ມນ້ຳນົມຂອງແມ່ຍິງຫຼັງເກີດລູກໂດຍໃຫ້ກິນເມນູໝາກປີຫຼັງຈາກເກີດລູກໃໝ່ໆ ຈະຊ່ວຍເພີ່ມນ້ຳນົມໃຫ້ຫຼາຍຂຶ້ນ.

3. ຫຼຸດລະດັບນ້ຳຕານໃນເລືອດ

ການສຶກສາໃນວາລະສານ Phytoterapy Research ໃນປີ 2000 ໄດ້ເຜີຍແຜ່ຜົນການວິໄຈລິດຂອງໝາກປີກັບການຫຼູດລະດັບນ້ຳຕານໃນເລືອດ ໂດນທົດລອງໃຫ້ໜູກຶນໝາກປີ 0.15 – 0.25 ກຣາມຕໍ່ນ້ຳໜັກໂຕ(ກິໂລກຣາມ) ຕະຫຼອດໄລຍະເວລາ 30 ມື້ ເຊີ່ງພົບວ່າ ລະດັບນ້ຳຕານໃນເລືອດໜູຫຼຸດລົງ ແລະ ມີລະດັບຮີໂກບິນເພີມຂຶ້ນ ແຕ່ເຖິງຢ່າງໃດກໍ່ຕາມ ການທົດລອງນີ້ຍັງຢູ່ໃນຂອບເຂດຂອງສັດທົດລອງເທົ່ານັ້ນ ສ່ວຍການທົດລອງໃນຄົນແມ່ນຍັງຕ້ອງມີການສິກສາເພື່ມຕື່ມຕໍ່ໄປ.

4. ລົດອາການອັກເສບໃນຮ່າງກາຍ

ໃນໝາກປີມີສານຕ້ານອະນຸມູນອິດສະຫຼະ ທີ່ເອີ້ນວ່າ: ມີທານອນ ເຊີ່ງງານວິໄຈທີ່ຕີພິມໃນວາລະສານ Food Science and Biotechnology ໃນເມື່ອປີ 2010 ເຫັນວ່າ ສານສະກັດຈາກໝາກປີມີສານຕ່ນອະນຸມູນອິດສະຫຼະຄ່ອນຂ້າງຫຼາຍ ແລະ ເປັນສານຕ້ານອະນຸມູນອິດສະຫຼະທີມີປະສິດທິພາບໃນການປ້ອງກັນເຊວທີຖືກທຳລາຍ ປ້ອງກັນການອັກເສບໃນຮ່າງກາຍໄດ້.

5. ປະຈຳເດືອນມາຫຼາຍ ໝາກປີຊ່ວຍໄດ້

ເຖິງແມ່ນວ່າໝາກປີມີສັບພະຄຸນບຳລຸງເລືອດ ແຕ່ສຳລັບຜູ້ຍິງທີ່ປະຈຳເດືອນມາຫຼາຍເກີນໄປ(ຕ້ອງໃຊ້ຜ້າອະນາໄມເກີນ 5 ແຜ່ນຕໍ່ມື້) ໝາກປີຈະຊ່ວຍຫຼູດປະລິມານເລືອດປະຈຳເດືອນໃຫ້ໄດ້ ໂດຍໝາກປີມີສັບພະຄຸນໃນການກະຕຸ້ນຮ່າງກາຍໃຫ້ສ້າງຮອກໂມນ ໂປເຈສເທີໂຣນ ຊ່ວຍໃຫ້ປະລິມານເລືອດປະຈຳເດືອນທີ່ມາຫຼາຍ ມາເກີນຄວາມຈຳເປັນ ຫຼຸດໜ້ອຍລົງໄປໄດ້.

6. ຊ່ວຍຕ້ານອາການຊຶມເສົ້າ

ໝາກປີມິທາດແມັກນີຊ່ຽມ ເປັນສານອາຫານທີ່ສຳຄັນທີ່ມີຜົນຮັກສາອາການຊຶມເສົ້າ ດັ່ງນັ້ນຖ້າວ່າຜູ້ໃດທີ່ຮູ້ສຶກບໍ່ສົດຊື່ນ ເປັນຊຶມໆ ເສົ້າໆ ລອງກິນເມນູທີ່ນຳເອົາໝາກປີມາປະກອບເປັນອາຫານຈັກໜຶ່ງເມນູ.

7. ຮັກສາແຜໃນກະເພາະ

ຢາງຈາກໝາກປີມີລິດສາມາດປິ່ນປົວບາດແຜໃນກະເພາະອາຫານ ໂດຍວິທີເຮັດແມ່ນໃຫ້ນຳເອົາໝາກປີມາເຜົາແລ້ວຄັ້ນເອົາແຕ່ນ້ຳມາກິນໃຫ້ໄດ້ປະມານເຄິ່ງຈອກ ໃຊ້ເປັນຢາເຄືອບກະເພາະອາຫານກ່ອນຮັບປະທານອາຫານປະມານ 1 ຊົ່ວໂມງ ສູດນີ້ແມ່ນຢາສູດບູຮານ.

ຂໍ້ຄວນລະວັງໃນການກິນໝາກປີ:

          ໝາກປີເປັນສະໝຸນໄພທີ່ມີແປ້ງເຊີ່ງຮ່າງກາຍຈະປ່ຽນເປັນນ້ຳຕານໃນພາຍຫຼັງ ດັ່ງນັ້ນຄົນທີ່ປ່ວຍເປັນໂລກເບົາຫວານກໍ່ພະຍາຍາມບໍ່ກິນໝາກປີຫຼາຍຈົນເກີນໄປ ເພາະອາດຈະເຮັດໃຫ້ລະດັບນ້ຳຕານໃນເລືອດສູງຂັ້ນໄດ້.