7 ຄຸນປະໂຫຍດຂອງປາແຊວມອນເພື່ອຄົນຮັກສຸຂະພາບ
ຢາກຊິຮູ້ວ່າແຖວນີ້ມີໃຜມັກກິນປາແຊວມອນບໍ່ ເພາະຕັ້ງແຕ່ປາຊີ້ນສີສົ້ມລາຍງາມຊະນິດນີ້ເປັນທີ່ຮູ້ຈັກໃນຫຼາຍໆປະເທດ ຫຼາຍໆຄົນກໍ່ຕິດໃຈໃນລົດຊາດ ຫວານ ແຊບ ກິນງ່າຍ ແຕ່ທ່ານຮູ້ ຫຼື ບໍ່ວ່າປາແຊວມອນບໍ່ໄດ້ມີແຕ່ຄວາມແຊບ ແຕ່ຍັງເຕັມໄປດ້ວຍປະໂຫຍດຕໍ່ສຸຂະພາບ ເໝາະສຳລັບທັງເດັກນ້ອຍ ແລະ ຜູ້ໃຫຍ່ ເຊິ່ງຄຸນປະໂຫຍດຂອງປາແຊວມອນມີຄື:
- ຊ່ວຍຮັກສາໂລກຂໍ້ກະດູກອັກເສບ
ໃຜທີ່ກຳລັງມີບັນຫາເລື່ອງຂໍ້ກະດູກອັກເສບ ຫຼື ກະດູກບໍ່ຄ່ອຍແຂງແຮງຕ້ອງມາກິນປາແຊວມອນເລີຍ ເພາະປາແຊວມອນທີສ່ວນຊ່ວຍໃນການຮັກສາໂລກຂໍ້ກະດູກອັກເສບ ແລະ ການອັກເສບຂອງຂໍ້ຕ່າງໆໄດ້ດີ ເພາະມີທາດໄບໂອແອັກທີບແປບໄທ້ເຊິ່ງມີກົດໂປຣຕີນ ຢ່າງທາດແຄນຊິໂທນິນທີ່ມິສ່ວນຊ່ວຍໃນການເພີ່ມ ແລະ ສ້າງສົມດຸນຂອງການສັງເຄາະທາດຄໍລາເຈນ ໃນກະດູກອ່ອນຂອງພວກເຮົາ ນອກຈາກນີ້ໂປຣຕີນທີ່ພົບໃນປາແຊວມອນຍັງຊ່ວຍເພີ່ມຄວາມໜາແໜ້ນຂອງມວນກະດູກ ແລະ ຄວາມແຂງແຮງຂອງກະດູກ.
- ລົດຄວາມສ່ຽງທີ່ຈະເປັນໂລກຊຶມເສົ້າ
ຮູ້ ຫຼື ບໍ່ວ່າສະໝອງຂອງຄົນເຮົາມີໄຂມັນເປັນສ່ວນປະກອບສຳຄັນເຖິງ 60% ເຊິ່ງໂດຍສ່ວນຫຼາຍຈະເປັນໂອເມກ້າ 3 ທີ່ຊ່ວຍເສີມການເຮັດວຽກຂອງສະໝອງ ແລະ ລະບົບປະສາດ ນອກຈາກນີ້ການຮັບປະທານປາແຊວມອນເປັນປະຈຳ ຍັງມີສ່ວນຊ່ວຍຫຼູດຄວາມສ່ຽງ ແລະ ເກີດອາການຊຶມເສົ້າ ພາວະຄວາມຄຽດໃນໄວໜຸ່ມສາວ ແລະ ພາວະສະໝອງເສື່ອມໃນຜູ້ສູງອາຍຸໄດ້ ໃຜທີ່ກຳລັງປະສົບກັບບັນຫານີ້ເຮົາແນະນຳໃຫ້ກິນປາແຊວມອນເປັນປະຈຳເລີຍ.
- ເສີມລະບົບການເຮັດວຽກຂອງຫຼອດເລືອ ແລະ ຫົວໃຈ
ຢ່າງທີ່ບອກໄປແລ້ວກ່ອນໜ້ານີ້ວ່າປາແຊວມອນອຸດົມໄປດ້ວຍໂອເມກ້າ 3, EPA ແລະ DHA ເຊິ່ງມີປະໂຫຍດຕໍ່ຫຼອດເລືອດ ແລະ ຫົວໃຈຫຼາຍເຊັ່ນ: ຊ່ວຍຫຼູດອາການອັກເສບ ຖ້າຮັບປະທານປາແຊວມອນ 2 – 3 ຄັ້ງຕໍ່ອາທິດ ກໍ່ຈະຊ່ວຍປ້ອງກັນການເກີດໂລກຕ່າງໆ ເຊັ່ນ: ອາການຫົວໃຈວາຍ ສະໂຕຣກ ຫົວໃຈເຕັ້ນຜິດຈັງຫວະ ຄວາມດັນໂລຫິດສູງ ແລະ ໄຕຣກລີຊໍໄຣໃນເລືອດສູງໄດ້.
- ຊ່ວຍພັດທະນາສະໝອງເດັກນ້ອຍໃນທ້ອງຂອງແມ່ຍິງທີ່ກຳລັງຖືພາ
ແມ່ຍິງຄົນໃດທີ່ກຳລັງຖືພາ ຫຼື ຢູ່ໃນຊ່ວງໃຫ້ນົມລູກ ສາມາດກິນປາແຊວມອນເພື່ອຊ່ວຍສົ່ງເສີມພັດທະນາການທາງສະໝອງ ແລະ ການຮຽນຮູ້ຂອງລູກນ້ອຍໄດ້ ເພາະປາແຊວມອນນັ້ນອຸດົມໄປດ້ວຍ DHA (Decosahexaenoic acid) ເຊິ່ງເປັນ ກົດໄຂມັນຈຳເປັນທີ່ເປັນພື້ນຖານຂອງເຊວສະໝອງ ແລະ ຈໍປະສາດຕາ ຍິ່ງກວ່ານັ້ນການໃຫ້ເດັກນ້ອຍໃນໄວກ່ອນເຂົ້າຮຽນໄດ້ຮັບປະທານປາແຊວມອນຫຼາຍໆ ຍັງຊ່ວຍປ້ອງກັນໂລກສະມາທິສັ້ນ(ADHA) ແລະ ຍັງຊ່ວຍສົ່ງເສີມຄວາມສາມາດໃນການຮຽນຮູ້ຂອງເດັກນ້ອຍ ອີກດ້ວຍ.
- ມີວິຕາມິນດີສູງ(High Vitamin D)
ຮູ້ບໍ່ວ່າການໄດ້ຮັບວິຕາມິນ D ຢ່າງພຽງພໍນັ້ນຈະຊ່ວຍໃຫ້ສຸຂະພາບຂອງເຮົາແຂງແຮງ ຫາກຮ່າງກາຍຂາດວິຕາມິນ D ໄປອາດຈະເຮັດໃຫ້ມີຄວາມສ່ຽງທີ່ຂະເປັນໂລກມະເຮັງ ໂລກຫົວໃຈ ໂລກປອກປະສາດອັກເສບ ໂລກຂໍ້ຮູມາຕອຍ ແລະ ໂລກເບົາຫວານຊະນິດທີ 1 ໄດ້ ຫາກຢາກລົດຄວາມສ່ຽງຂອງໂລກພວກນີ້້ ລອງຮັບປະທານປາແຊວມອນເບິ່ງ ເພາະປາແຊວມອນ 1 ກະປ໋ອງນັ້ນມີວິຕາມິນດີພຽງພໍຕໍ່ມື້ແລ້ວ.
- ຊ່ວຍໃຫ້ວິຕາມິນໃນຜັກສົດເຮັດວຽກໄດ້ດີຂຶ້ນ
ສຳລັບໃຜທີ່ມັກກິນຜັກຕ້ອງກິນຕ້ອງກີນປາແຊວມອນພ້ອມ ເພາະໂປຣຕີນ ວິຕາມິນບີຕ່າງໆ ແລະ ກົດໄຂມັນໂອເມກ້າ 3 ໃນປາແຊວມອນຊ່ວຍສົ່ງເສີມໃຫ້ສານແອນຕີ້ອອກຊີແດ້ນ ແລະ ວິຕາມິນຊີໃນຜັກຕ່າງໆ ຢ່າງເຊັ່ນ ຜັກໂຂມ ແລະ ຜັກກາດນາ ເຮັດວຽກໄດ້ດີຂື້ນ.
- ປ້ອງກັນເຊວສື່ອມສະພາບ
ນອກຂາກມີວິຕາມິນຫຼາກຫຼາຍຊະນິດ ແລະ ໂປຣຕີນສູງແລ້ວ ປາແຊວມອນຍັງອຸດົມໄປດ້ວຍຊີລີນ່ຽມເຊິ່ງເປັນແຮ່ທາດຊະນິດໜຶ່ງ ທີ່ຊ່ວຍຕໍ່ຕ້ານອະນຸມູນອິດສະຫຼະໃນຮ່າງກາຍຂອງຄົນເຮົາ ຊ່ວຍຫຼຸດຄວາມສ່ຽງຂອງການເກີດຂໍ້ອັກເສບ ສົ່ງເສີມລະບົບພູມຄຸ້ມກັນ ແລະ ໄທຣອຍ ໃຫ້ເຮັດວຽກໄດ້ດີຂື້ນ ຊ່ວຍປ້ອງກັນເຊວເສື່ອມສະພາບ ເຮັດໃຫ້ເນື້ອເຍື່ອຕ່າງໆແຂງແຮງ.
ມື້ນີ້ໃຜທີ່ຄິດບໍ່ອອກວ່າຊິກິນຫຍັງດີ ລອງຫາເມນູປາແຊວມອນ ຢ່າງເຊັ່ນ: ສະຫຼັດປາແຊວມອນ ຫຼື ສະເຕັກປາແຊວມອນສຳລັບເປັນອາຫານເພື່ອສຸຂະພາບດີໆ ຈັກໜຶ່ງມື້ ຖ້າໃຜທີ່ບໍ່ຢາກອອກໄປຊ໊ອບປິ້ງເພາະຢ້ານເສຍເວລາເດີນທາງ ລອງແວະມາທີ່ www.shopping-d.online ໄດ້ເລີຍ ເພາະພວກເຮົາມີຊີ້ນປາແຊວມອນ ຈຳໜ່າຍ ພ້ອມບໍລິການສົ່ງເຖິງທີ່ ບໍ່ຕ້ອງຫິ້ວໃຫ້ໜັກມື ບໍ່ຕ້ອງຫງູດຫງິດກັບການເດີນທາງ ຖ້າຮັບທີ່ໜ້າບ້ານໄດ້ເລີຍ.
Leave a comment