5 ຜັກຫຼຸດນ້ຳໜັກທີ່ຕ້ອງມີໄວ້ຕິດຕູ້ເຢັນເປັນປະຈຳ! ແຄລໍລີ່ຕ່ຳ ແລະບໍ່ເຮັດໃຫ້ຕຸ້ຍ

          ສຳລັບຫຼຸດນ້ຳໜັກ ນັ້ນ ນອກຈາກສາວໆ ຈະຕ້ອງໃສ່ໃຈໃນເລື່ອງຂອງການງົດແປ້ງ ງົດຂອງຫວານແລ້ວ ເລື່ອງການກິນຜັກ ກໍເປັນສິ່ງໜຶ່ງທີ່ຂາດບໍ່ໄດ້ໃນການລົດນ້ຳໜັກ ເພາະການທີ່ກິນຜັກຫຼາຍໆ ນອກຈາກຈະຊ່ວຍໃຫ້ຂັບຖ່າຍງ່າຍຂຶ້ນ ຜັກບາງຊະນິດຍັງມີແຄລໍລີ່ຕ່ຳ ຊຶ່ງຊ່ວຍໃຫ້ການລົດນ້ຳໜັກ ຂອງທ່ານງ່າຍຂຶ້ນອີກ.

1. ບັອກໂຄລີ່ 33.7 Kcal.

ບັອກໂຄລີ່ເປັນຜັກທີ່ມີໄຟເບີສູງ ຊຶ່ງມີປະໂຫຍດຄື ຊ່ວຍໃຫ້ອີ່ມດົນ ເຊິ່ງເຮົາສາມາດຕົ້ມກິນ ຫຼືຈະກິນດິບເລີຍກໍ່ໄດ້ ທີ່ສຳຄັນ ຍັງມີສານຕ້ານທານອານຸມູນອິດສະຫຼະ ທີ່ຊ່ວຍຫຼຸດຄວາມສ່ຽງຕໍ່ໂລກມະເຮັງ ເໝາະກັບສາວໆທີ່ຮັກສຸຂະພາບຫຼາຍໆທ່ານ.

2. ຜັກກາດຂາວ 12

ຜັກກາດຂາວ ເຮົາສາມາດເວົ້າໄດ້ວ່າ ເປັນຜັກທີ່ມີແຄລໍລີ່ຕ່ຳສຸດໆ ສະນັ້ນຈົ່ງໝັ້ນໃຈໄດ້ເລີຍວ່າການກິນຜັກກາດຂາວນັ້ນບໍ່ຕຸ້ຍແນ່ນອນ ແຖມຜັກກາດຂາວນັ້ນຍັງສາມາດນຳໄປປຸງອາຫານໄດ້ຫຼາຍຊະນິດ ທັງຕົ້ມ ທັງຜັດ ຫຼືຈະນຳໄປເຮັດຊຸກີ້ກໍ່ສາມາດກິນຢ່າງແຊບໄດ້ແບບບໍ່ຕ້ອງຢ້ານຕຸ້ຍເລີຍ.

3. ເຫັດເຂັມທອງ 36.3

ເຫັດເຂັມເປັນອີກໜຶ່ງອາຫານທີ່ໄຟເບີສູງສຸດໆ ແຖມຍັງມີແຄລໍລີ່ຕ່ຳ ກິນແລ້ວຊ່ວຍໃຫ້ອີ່ມໄວ ອີກດ້ວຍ ທີ່ສຳຄັນແມ່ນຍັງມີສັບພະຄຸນທີ່ດີຫຼາຍໆຢ່າງ ຊ່ວຍຄວບຄຸມລະດັບນ້ຳຕານໃນເລືອດ ແລະບໍ່ຢາກໃຫ້ເກີດອາການຫິວອີກດ້ວຍ.

4. ຜັກບົ້ງ 24

ຜັກບົ້ງ 100 ກຣາມໃຫ້ພະລັງງານ 24 ແຄລໍລີ່ ເທົ່ານັ້ນ ເປັນຜັກທີ່ນອກຈາກແຄລໍລີ່ຈະຕ່ຳແລ້ວ ຍັງເປັນຜັກທີ່ຊ່ວຍດີທັອກໄດ້ອີກດ້ວຍ ເພາະຊ່ວຍລ້າງສານພິດໃນລຳໄສ້ ແລະແກ້ອາການຖອກທ້ອງໃນລຳໄສ້.

5. ໝາກອຶ 20

ໝາກອຶເປັນຜັກທີ່ມີໄຟເບີສູງ ໄຂມັນຕ່ຳ ເໝາະສຳລັບຄົນທີ່ຕ້ອງການຄວບຄຸມນ້ຳໜັກ ເຮົາສາມານຳໝາກອຶມາເຮັດເປັນອາຫານ ຫຼືເຂົ້າໜົມກໍ່ໄດ້ ແຖມການກິນທັງເປືອກຍັງຊ່ວຍຄວບຄຸມລະດັບນ້ຳຕານໃນຮ່າງກາຍໄດ້ອີກດ້ວຍ.