3 ອາຫານທີ່ກິນງ່າຍ ແລະ ແນະນຳໃຫ້ກິນທຸກມື້

3 ອາຫານທີ່ກິນງ່າຍ ແລະ ແນະນຳໃຫ້ກິນທຸກມື້

ການຈະເປັນເຈົ້າຂອງຮ່າງກາຍທີ່ດີ ມີຄວາມສຸກ ມີສຸຂະພາບທີ່ແຂງແຮງນັ້ນ ສ່ວນສຳຄັນມີຢູ່ 3 ສິ່ງ ຄື: ອາຫານທີ່ເຮົາກິນ, ອອກກຳລັງກາຍເປັນປະຈຳ ແລະ ພັກຜ່ອນໃຫ້ພຽງພໍ ແຕ່ກ່ອນທີ່ຈະໄດ້ອອກກຳລັງກາຍກໍ່ຕ້ອງກິນອາຫານ ທີ່ໃຫ້ພະລັງງານ ແລະມີສານອາຫານທີ່ມີປະໂຫຍດກັນກ່ອນ Teresa Fung  ຜູ້ຊ່ວຍສາດສະດາຈານ ປະຈຳສາຂາໂພສະນາການຕໍ່ຮ່າງກາຍ ມະຫາວິທະຍາໄລຮາວອດ ສະຫາລັດ ແນະນຳອາຫານທີ່ກິນງ່າຍ ດີ ແລະມີປະໂຫຍດ ຕໍ່ຮ່າງກາຍທີ່ຄວນກິນເປັນປະຈຳທຸກມື້ ຫາກວ່າເຮົາກິນໄດ້ຕາມນີ້ແລ້ວ ຮັບຮອງເລີຍວ່າຈະເຫັນການປ່ຽນແປງຂອງຮ່າງກາຍ ໃນທາງທີ່ດີຂຶ້ນຢ່າງແນ່ນອນ.

3 ອາຫານງ່າຍໆ ມີປະໂຫຍດທີ່ມະຫາວິທະຍາໄລ ຮາວອດ ແນະນຳໃຫ້ກິນທຸກມື້

  1. ປາເຊວມອນ

ເຖິງແມ່ນວ່າຈະເປັນປາທີ່ມີລາຄາສູງໜ້ອຍໜຶ່ງ ສຳລັບບ້ານເຮົາ ແຕ່ຊີ້ນຂອງປາເຊວມອນນີ້ ເຕັມໄປດ້ວຍໂປຣຕີນ ທີ່ດີມີປະໂຫຍດຕໍ່ຮ່າງກາຍ ແລະມີກົດໄຂມັນໂອເມກ້າ 3 ທີ່ດີຕໍ່ສຸຂະພາບຂອງຫົວໃຈ ແລະສະໝອງ ນອກຈາກນີ້ຍັງຊ່ວຍບຳລຸງກະດູກຈາກການມີວິຕາມິນດີ ອີກດ້ວຍ. ຫາກບໍ່ສາມາດກິນປາເຊວມອນທຸກມື້ໄດ້ ຢ່າງນ້ອຍ ຕ້ອງບໍ່ໃຫ້ຫຼຸດອາທິດລະ 1 ຄັ້ງ ເພື່ອໃຫ້ຊ່ວຍໃຫ້ມີຜົນດີຕໍ່ຮ່າງກາຍ.(ປາຢູ່ບ້ານເຮົາກໍ່ມີ ໂອເມກ້າສູງເຊັ່ນດຽວກັນ).

  1. ກະຫຼ່ຳດາວ.

ບ້ານເຮົາອາດຈະຄຸ້ນເຄີຍກັບກະຫຼ່ຳຂະໜາດໃຫຍ່ ຫຼາຍກວ່າກະຫຼ່ຳຂະໜາດນ້ອຍ ເຊັ່ນວ່າກະຫຼ່ຳດາວ ແຕ່ກະຫຼ່ຳດາວມີຂາຍຕາມຕະຫຼາດ ແລະ ໃນຕະຫຼາດອອນລາຍບາງແຫ່ງ ເຊິ່ງລາຄາກໍ່ພໍຟັງ ເຖິງວ່າຈະມີຂະໜາດນ້ອຍແຕ່ວ່າເຕັມໄປດ້ວຍສານອາຫານດີໆ ຫຼາກຫຼາຍ ເຊິ່ງຈະປະກອບມີທັງວິຕາມິນເອ, ວິຕາມິນຊີ, ວິຕາມິນເຄ, ໂພແທັກຊຽມ ໂຟເລດ ລວມໄປເຖິງສານຕ້ານອານຸມູນອິດສະຫຼະທີ່ຊ່ວຍປ້ອງກັນຄວາມເສີຍຫາຍຂອງເຊວພາຍໃນຮ່າງກາຍ ຈື່ງຊ່ວຍຫຼູດຄວາມສ່ຽງຂອງການເກີດເຊວອັກເສບ ຫຼືຜິດປົກກະຕິ ທີ່ເປັນສາເຫດຂອງມະເລັງໄດ້ ສາມາດປຸງແຕ່ງກະຫຼ່ຳດາວກິນໄດ້ງ່າຍໆ ບໍ່ວ່າຈະເປັນການຕົ້ມ, ແກງ, ຂົ້ວ ແຕ່ຖ້າທ່ານບໍ່ສາມາດຊອກກະຫຼ່ຳດາວມາກິນໄດ້ກໍ່ສາມາດເອົາກະຫຼ່ຳທຳມະດາມາກິນແທນກໍ່ໄດ້.

  1. ຖົ່ວ

ສາລະພັດຖົ່ວທີ່ເຮົາຮູ້ຈັກ ແລະສາມາດກິນໄດ້ ເປັນແຫຼ່ງໂປຣຕີນ ແລະແຫຼ່ງພະລັງງານຊັ້ນດີທີ່ເຮົາຄວນກິນເປັນປະຈຳທຸກມື້ ເພາະນອກຈາກໂປຣຕີນແລ້ວ ຖົ່ວຍັງມີໄຂມັນດີ ແລະວິຕາມິນອີທີ່ດີ ຕໍ່ຮ່າງກາຍອີກດ້ວຍ ບໍ່ວ່າຈະເປັນຖົ່ວປະເພດໃດ ກໍ່ດີຕໍ່ສຸຂະພາບທັງໝົດ.

Previous article ປະໂຫຍດຖົ່ວລູກໄກ່

Leave a comment

Comments must be approved before appearing

* Required fields