10 ປະໂຫຍດຂອງນ້ຳຜັກ ແລະ ນ້ຳໝາກໄມ້

10 ປະໂຫຍດຂອງນ້ຳຜັກ ແລະ ນ້ຳໝາກໄມ້

ການຮັກສາໂລກໂດຍບໍ່ໃຊ້ຢາ ທີ່ຮ້ອງວ່າ ( ທຳມະຊາດບຳບັດ ) ໃນປະຈຸບັນໄດ້ຮັບຄວາມນິຍົມເພີ່ມຂື້ນເລື່ອຍໆ ໂດຍສະເພາະການດື່ມນ້ຳຜັກໝາກໄມ້ສົດທີ່ກາຍເປັນສ່ວນສຳຄັນຂອງຂະບວນການທຳມະຊາດບຳບັດ ບໍ່ວ່າຈະເປັນການຮັກສາເຈັບປ່ວຍເຫຼັກໝ້ອຍ ໂລກທີ່ຮັກສາຍາກ ຫຼື ໂລກເຮື້ອຮັງນ້ຳຜັກໝາກໄມ້ສົດກໍ່ເປັນອີກທາງເລືອກໝຶ່ງທີ່ກຳລັງໄດ້ຮັບຄວາມສົນໃຈເປັນຢ່າງຫຼາຍ ເພາະບໍ່ພຽງແຕ່ຈະຊ່ວຍເຮັດໃຫ້ສຸຂະພາບດີເທົ່ານັ້ນ ແຕ່ຍັງຊ່ວຍເຮັດໃຫ້ຮ່າງກາຍສົດຊື່ນຂື້ນອີກນຳ ເນື່ອງຈາກນ້ຳຜັກໝາກໄມ້ອຸດົມໄປດ້ວຍສານອາຫານທີ່ມີປະໂຫຍດໃນການບຳລຸງສຸຂະພາບ ແລະ ຊ່ວຍຮັກສາໂລກໄພໄຂ້ເຈັບຕ່າງໆ.

  • ນ້ຳໝາກກ້ວຍ: ເປັນໝາກໄມ້ທີ່ອຸດົມໄປດ້ວຍໂປຕີນ ຄາສໂບໄຮເດສ ວິຕາມີນເອ ທາດເຫຼັກຟອສຟໍຮັສ ແລະ ໂພແທສຊ້ຽມ ຊື່ງລ້ວນແຕ່ເປັນແຮ່ທາດທີ່ຈຳເປັນຕໍ່ການເຮັດວຽກຂອງກ້ລາມເນື້ອ ແລະ ປະສາດຊ່ວຍຄວບຄຸມຄວາມດັນໂລຫິດເພີ່ມພະລັງງານໃຫ້ແກ່ຮ່າງກາຍໄດ້ຢ່າງວ່ອງໄວ ເພີ່ມຄວາມແຂງແຮງສົມບູນໃຫ້ແກ່ຮ່າງກາຍນອກຈາກນີ້ຍັງຊ່ວຍປ້ອງກັນໂລກໄພໄຂ້ເຈັບຕ່າງໆ.
  • ນ້ຳເຊີຮີ່: ເຊີຮີ່ມີວິຕາມີນສູງຫຼາຍ ຈຶ່ງຊ່ວຍປ້ອງກັນໂລກເລືອດຕາມແຂ້ວໄດ້ມີສານຕ້ານອະນຸມູນອິດສະຫຼະທີ່ຊ່ວຍສະຮໍໄວ ເບິ່ງແຍງຄວາມງາມ ແລະ ຊ່ວຍປ້ອງກັນໂລກເລືອດຈາງ.
  • ນ້ຳໝາກພິລາ: ນ້ຳໝາກພິລາມີສານຕ້ານອະນຸມູນອິດສະຫຼະເກືອບຈະຄົບທຸກຊະນິດຈຶ່ງມີປະໂຫຍດຢ່າງຫຼາຍສຳລັບການປ້ອງກັນໂລກມະເຮັງ.
  • ນ້ຳມາກນາວ: ການດື່ມນ້ຳໝາກນາວຄັ້ນສົດ 1 ຈອກ ຈະຊ່ວຍກະຕຸ້ນໃຫ້ຕັບຜະລິດນ້ຳດີໄດ້ຫຼາຍຂື້ນ ສົ່ງຜົນໃຫ້ລະການຍ່ອຍອາຫານເຮັດວຽກໄດ້ຢ່າງເປັນປົກກະຕິຕະຫຼອດໝົດມື້ ແລະ ຍັງພົບວ່າຜູ້ປ່ວຍຕິດເຊື້ອທາງເດີນປັດສະວະທີ່ດື່ມນ້ຳໝາກນາວເປັນປະຈຳທຸກມື້ຈະຊ່ວຍລົດຂະໝາດກ້ອນນີ້ວໃນຕົວໄດ້ ເນື່ອງຈາກມີລິດລະລາຍກ້ອນນີ້ວໃນຖົງນ້ຳດີ ແລະ ໂຕ ແລ້ວຂັບອອກມາທາງປັດສະວະ ຊ່ວຍເຮັດໃຫ້ກົດຟອສຟໍຮິກໃນປັດສະວະລົດຈາກ 1 % ເຫຼືອ 0,13 % ຊຶ່ງເປັນຜົນດີກັບຮ່າງກາຍລວມທັງການຊ່ວຍຂ້າເຊື້ອແບັດທີເລຍໄດ້ອີກນຳ.
  • ນ້ຳໝາກກ້ຽງ: ມີວິຕາມີນໃນປະລິມານຫຼາຍ ອຸດົມໄປດ້ວຍສານຕ້ານອະນຸມູນອິດສະຫຼະ ຊ່ວຍເພີ່ມອັດຕາການໄຫຼວຽນຂອງເລືອດໃນຮ່າງກາຍ ແລະ ອັດຕາການດູດຊືມສານອາຫານ ຊ່ວຍບຳລຸງສາຍຕາມີວິຕາມີນຊີທີ່ຊ່ວຍເສີມສ້າງພູມຄຸ້ມກັນ ແລະ ຕ້ານເຊື້ອໂລກຊ່ວຍປ້ອງກັນໂລກເລືອດອອກຕາມແຂ້ວປ້ອງກັນໂລກເລືອດຈາງ ນອກຈາກນັນຍັງມີແຄສຊ້ຽມ ແລະ ຟອສຟໍຮສທີ່ຊ່ວຍໃນການບຳລຸງກະດູກ ແລະຍັງພົບວ່ານ້ຳໝາກກ້ຽງຄັ້ນສົດມີສ່ວນຊ່ວຍລົດຄວາມດັນໂລຫິດປ້ອງກັນໂລກຫົວໃຈ ແລະ ຊ່ວຍບຳລຸງລະບົບການໄຫຼວຽນຂອງໂລຫິດ ແລະຫຼອດເລືອດ.
  • ນ້ຳໝາກນັດ: ມີແຄສຊ້ຽມ ແລະ ຟອສຟໍຮັສສູງຈຶ່ງຊ່ວຍບຳລຸງກະດູກແລະແຂ້ວ ຍັງມີວິຕາມີນຊີທີ່ຊ່ວຍປ້ອງກັນໂລກເຫຼືອດອອກຕາມແຂ້ວ ຊ່ວຍລົດຄວາມສ່ຽງຂອງໂລກເຫືອກອັກເສບ ມີສຳພະຄຸນທາງຢາຊ່ວຍໃນການຍ່ອຍອາຫານ ລົດອາການແໝ້ນທ້ອງຊ່ວຍຂັບປັດສະວະ ລົດອາການແຜຮ້ອນໃນປາກລົດອາການອັກເສບບວມ ຊ່ວຍຊ້ອມແຊມເນື້ອເຍື່ອທີ່ຂາດໃນຮ່າງກາຍ ຊ່ວຍບຳລຸງຂໍ້ຕໍ່ໃນອະໄວຍະວະຕ່າງໆ.
  • ນ້ຳຂິງ: ມີແຄສຊ້ຽມທີ່ຊ່ວຍບຳລຸງກະດູກແລະແຂ້ວ ມີສານແບຕ້າແຄໂຮທິນທີ່ມີສານຊ່ວຍຕ້ານມະເຮັງມີສັບພະຄຸນທາງຢາທີ່ຊ່ວຍແກ້ອາການທ້ອງອືດ,ແໝ້ນທ້ອງ ຊ່ວຍຂັບລົມ ຂັບເສບຫະ ຊ່ວຍແກ້ອາການປວດຮາກ ເມົາລົດ ເມົາເຮືອ ຊ່ວຍເຮັດໃຫ້ຈະເລີນອາຫານ ຊ່ວຍລົດອາການຈັບຕົວຂອງລື່ມເລືອດແລະນ້ຳຍ່ອຍຕ່າງໆ ຊ່ວຍຕ້ານການເກີດແຜໃນກະເພາະອາຫານ ນອກຈາກນີ້ຍັງນິຍົມດື່ມນ້ຳຂິງເພື່ອໄລ່ຜິດໄຂ້ ເພື່ອໃຫ້ໄຂ້ຫວັດອາການທຸເລົາລົງໄດ້ເປັນຢ່າງດີ ສ່ວນຄົນທີ່ມີອາການໄອຫຼືເສບຫະຫຼາຍ ການດື່ມນ້ຳຂິງຊ່ວຍບັນເທົາອາການໄດ້.
  • ນ້ຳບ໋ອກໂຄຮີ່: ອຸດົມໄປດ້ວຍສານຕ້ານອະນຸມູນອິດສະຫຼະ ຊ່ວຍປ້ອງກັນມະເຮັງເນື້ອງອກແລະມະເຮັງລຳໄສ້ ນອກຈາກນີ້ຍັງມີປະໂຫຍດໃນການຊ່ວຍຄວບຄຸມລະດັບອິນຊູລິນແລະນ້ຳຕານໃນເລືອດໄດ້ອີກນຳ.
  • ນ້ຳຫົວສີໃຄ: ມີວິຕາມີນເອທີ່ຊ່ວຍບຳລຸງສາຍຕາ ມີແຄສຊ້ຽມ ແລະ ຟອສຟໍຮັສທີ່ຊ່ວຍບຳລຸງກະດູກແລະແຂ້ວ ຊ່ວຍແກ້ອາການອືດແໝ້ນທ້ອງ ຊ່ວຍຂັບເຫື່ອປັດສະວະ ຊ່ວຍລົດຄວາມດັນໂລຫິດແລະຊ່ວຍລົດຜິດຂອງສານແປກປອມ.
  • ນ້ຳໝາກມະລະ: ລົດຂົມຂອງໝາກມະລະສາມາດຊ່ວຍກະຕຸ້ນນ້ຳຍ່ອຍອອກມາຫຼາຍກວ່າປົກກະຕິຈຶ່ງຊ່ວຍເຮັດໃຫ້ຈະເລີນອາຫານ ແລະມີວິຕາມີນແຮ່ທາດ ສຳຄັນອີກຫຼາຍຊະນິດທີ່ຊ່ວຍບຳລຸງຜີວພັນ ນອກຈາກນີ້ຍັງເປັນຢາລະບາຍອ່ອນໆ ຊ່ວຍຂັບພະຍາຮິ ຊ່ວຍລົດລະດັບນ້ຳຕານໃນເລືອດ ຊ່ວຍບຳລຸງນ້ຳດີແກ້ຕັບມ້າມອັກເສບ ແລະ ແກ້ອາການອັກເສບຈາກຜິດຕ່າງໆ.

 Credit: www.medthai.com

Previous article ປະໂຫຍດຖົ່ວລູກໄກ່

Leave a comment

Comments must be approved before appearing

* Required fields