ແມ່ຫຼັງເກີດກັບມາຫຸ່ນດີມີນ້ຳນົມໄຫຼມາເທມາຕ້ອງກິນແບບນີ້

ແມ່ຫຼັງເກີດກັບມາຫຸ່ນດີມີນ້ຳນົມໄຫຼມາເທມາຕ້ອງກິນແບບນີ້

ຫຼັງເກີດແມ່ຄວນລ້ຽງລູກດ້ວຍນົມແມ່ເພາະດີຕໍ່ແມ່ແລະລູກນ້ອຍ ສິ່ງທີ່ສຳຄັນໃນການໃຫ້ນົມລູກຄືແມ່ຕ້ອງຮັບປະທານອາຫານທີ່ດີ ແລະ ມີປະໂຫຍດເພື່ອໃຫ້ນ້ຳນົມທີ່ອອກມາມີຄຸນນະພາບ ທັງຍັງສົ່ງຜົນດີຕໍ່ຮູບຮ່າງຂອງແມ່ໃຫ້ກັບເຂົ້າຮູບເຂົ້າຮ່າງໄດ້ໄວ ແລະບໍ່ອ້ວນຫຼັງຄອດອີກນຳມາເບີ່ງກັນວ່າແມ່ຮັບປະທານອາຫານແນວໃດ.

  1. ກິນຜັກທຸກມື້ໃຫ້ຫຼາກຫຼາຍຊະນິດເພື່ອໃຫ້ໄດ້ວິຕາມີນ ແລະເກືອແຮ່ສານອາຫານຄົບຖ້ວນ.
  2. ຄວນລົດອາຫານທີ່ມີນ້ຳຕານໄຂມັນສູງເຊັ່ນ: ຄຸກກີ້ ເຄັກ ພາຍ ຂະນົມຫວານຕ່າງໆ.
  3. ເລືອກວິທີການປະກອບອາຫານໂດຍໃຊ້ວິທີ ຕົ້ມ ນີ້ງ ອົບ ແທນການທອດປີ້ງ ການທອດຫຼືຜັດທີ່ມີນ້ຳມັນ ແລະກິນເນື້ອລ້ວນໆແທນເນື້ອຕິດມັນ.
  4. ກິນໂປຕີນໃຫ້ພໍເໝາະໄດ້ແກ່ເນື້ອສັດຄວນເນັ້ນປາ ເພາະຍ່ອຍງ່າຍແລະມີໄຂມັນດີ ກິນໄຂ່ອາທິດລະ 3 ໝ່ວຍຢ່າງຕ່ຳ ເຕົ້າຫູ້ ແລະຖົ່ວຕ່າງໆ ລວມທັງຜະລິດຕະພັນຈາກນົມແຕ່ຂໍໃຫ້ມີໄຂມັນຕ່ຳ ແລະຍ່ອຍງ່າຍ.
  5. ອາຫານທີ່ໃຫ້ພະລັງງານທີ່ສຳຄັນຄື: ເຂົ້າ ເສັ້ນມີ່ ເສັ້ນລ້ອນ ເຂົ້າປຽກ ແລະອາຫານຈຳພວກທັນຍາພືດ ເຂົ້າ ມັນຕົ້ມ ເຜືອກຕົ້ມ ໝາກອຶຕົ້ມເປັນຕົ້ນ ເພາະອາຫານທີ່ບໍ່ຍອມສີຈະໃຫ້ນ້ຳຕານອອກມາເປັນພະລັງງານ.
  6. ກິນອາຫານທີ່ມີແຄລຊຽມສູງເພື່ອບຳລຸງກະດູກ ແຄລຊຽມນີ້ຍັງສົ່ງໄປເຖິງນ້ຳນົມສຳຫຼັບບຳລຸງເດັກນ້ອຍອີກນຳ ອາຫານທີ່ມີແຄລຊຽມສູງໄດ້ແກ່ ປານ້ອຍທີ່ກິນໄດ້ທັງໂຕເຊັ່ນ: ປາຊິວ ປາກອບ ເຕົ້າຫູ້ ຜັກໃບຂຽ ຖົ່ວແດງ ເຊິ່ງເໝາະສຳລັບແມ່ທີ່ດື່ມນົມງົວບໍ່ໄດ້.
  7. ກິນອາຫານທີ່ໃຫ້ວິຕາມີນເອສູງໄດ້ແກ່ຜັກແລະໝາກໄມ້ທີ່ມີສີເຫຼືອງຫຼືສີສົ້ມເຊັ່ນ: ກະລົດ ໝາກອຶ ໝາກຫຸ່ງ ຜັກກາດນາ ຜັກໂຫມ ຜັກບົ້ງ ຜັກຫ້ອງເຕ້ ເປັນຕົ້ນ.
  8. ກິນຜັກແລະໝາກໄມ້ທີ່ໃຫ້ວິຕາມີນຊີສູງເຊັ່ນ: ໝາກຂາມປ້ອມ ກະລ່ຳປີ ໝາກເລັ່ນ ກະລ່ຳດອກ ໝາກນາວ ເພາະວິຕາມີນຊີຈະຊ່ວຍດູດຊືມທາດເຫຼັກໃຫ້ດີຂື້ນ.
  9. ດື່ມນ້ຳຢ່າງນ້ອຍມື້ລະ 8 ແກ້ວ ແຕ່ຖ້າດື່ມໄດ້ຫຼາຍກວ່ານີ້ກໍ່ຍິ່ງດີ ເພື່ອໃຫ້ພຽງພໍກັບຄວາມຕ້ອງການຂອງເນື້ອເຍື່ອແລະເລືອດເພື່ອຊ່ວຍໃນຂະບວນການຜະລິດນ້ຳນົມແມ່.
  10. ອາຫານທີ່ແມ່ຄວນຫຼີກລ່ຽງໄດ້ແກ່ອາຫານທີ່ມີລົດຈັດເຊັ່ນ: ເຜັດ ສົ້ມ ເຄັມ ໃສ່ແປງນົວ ໃສສານກັນບູດ ໃສ່ສີ ເຄື່ອງດື່ມທີ່ມີແອລກໍຮໍ ຍາດອງເຫຼົ້າ ແລະການສູບຢາລວມທັງການດົມຄັວນຢາສູບ.

ຫຼັງເກີດແລ້ວແມ່ໆ ຄວນຫາມາຮັບປະທານໂດຍດ່ວນເລີຍຈະໄດ້ກັບມາມີຫຸ່ນທີ່ດີ ແຖມມີນ້ຳນົມໄຫຼດີພຽງພໍສຳຫຼັບເຈົ້າຕົວນ້ອຍນຳອີກ ເອີ້ນວ່າອາຫານດີມີປະໂຫຍດທັງຕໍ່ແມ່ແລະລູກນ້ອຍອີກນຳ.

 

Previous article ປະໂຫຍດຂອງປາທູນ່າ
Next article ວິທີເຮັດພະແນງງົວ

Leave a comment

Comments must be approved before appearing

* Required fields