ສຸດຍອດວິຕາມິນ ແລະສານອາຫານທີ່ຢູ່ໃນປານ້ຳຈືດ ແລະປາທະເລ

ກິນປາແລ້ວດີຕໍ່ສຸຂະພາບ ແລະທ່ານຮູ້ຫຼືຍັງວ່າດີຢ່າງໃດ ດີສ່ຳໃດ?

   ຖ້ານຶກເຖິງອາຫານເພື່ອສຸຂະພາບ ເຊື່ອວ່າ 1 ໃນນັ້ນຕ້ອງມີ ປາ ເປັນປາມີສານອາຫານທີ່ເປັນປະໂຫຍດຕໍ່ຮ່າງກາຍ ຫາກຖາມວ່າຄຸນຄ່າທາງອາຫານຂອງປາມີຫຍັງແດ່ ເຮົາຄົງຄຳນຶງເຖິງໂປຣຕີນເປັນຢ່າງທຳອິດ ເພາະອາຫານປະເພດນີ້ ມີເນື້ອສັດຕ້ອງຄຽງຄູ່ກັບໂປຣຕີນຢຸ່ແລ້ວ ແຕ່ຄວາມຈິງແລ້ວ ປາມີຄຸນສົມບັດສະເພາະຕົວຫຼາຍກວ່ານັ້ນ.

ໃນປາມີຫຍັງແນ່?

    ປະເພດຂອງປາສາມາດແບ່ງກັນງ່າຍໆ ຄືປານ້ຳຈືດກັບປານ້ຳເຄັມ ແຕ່ກໍ່ຍັງມີບາງຄົນເບິ່ງອີກວ່າປາຊະນິດໃດມີໄຂມັນສູງ ຊະນິດໃດມີໄຂມັນປານກາງ ແລະຊະນິດໃດມີໄຂມັນຕ່ຳ ເຊິ່ງໝາຍເຖິງເນື້ອປາສົດໆ ທີ່ຍັງບໍ່ທັນໄດ້ປຸງແຕ່ງ ແຕ່ຄວາມຈິງເຮົາບໍ່ຈຳເປັນຕ້ອງເບິ່ງລົງໄປເລິກຂະໜາດນັ້ນ ເພາະວ່າໄຂມັນໃນປາບໍ່ໄດ້ຫຼາຍ ຖ້າທຽບກັບຊີ້ນສັດຊະນິດອື່ນໆ.

    ປາເປັນອາຫານທີ່ມີໂປຣຕີນສູງ ແລະຄຸນນະພາບດີຄືກັບຊີ້ນສັດທົ່ວໆໄປ ນອກຈາກນັ້ນຍັງມີ ໄຂມັນ ວິຕາມິນ ເກືອແຮ່ ແລະ ຄາໂບໄຮເດຣດ ປະລິມານໂປຣຕິີນ ໃນປານ້ຳຈືດກັບປານ້ຳເຄັມໄກ້ຄຽງກັນຫຼາຍ ຈາກການວິໄຈຂອງນັກວິທະຍາສາດ ພົບວ່າປານ້ຳເຄັມຈະມີໂປຣຕີນຫຼາຍກວ່າປານ້ຳຈືດໜ້ອຍໜຶ່ງ ແລະມີເປີເຊັນຕ່ຳກວ່າປານ້ຳຈືດເລັກນ້ອຍ.

ໄຂມັນຊັ້ນດີ.

    ຖ້າເວົ້າເຖິງໄຂມັນ ສາວໆທັງຫຼາຍຄົງຈະບໍ່ ສົນໃຈ ແລະຕ້ອງຫັນໜ້າໜີຢ່າງແນ່ນອນ ແຕ່ສຳລັບເລື່ອງນີ້ແມ່ນໃຫ້ໃຈເຢັນກ່ອນເດີ ເພາະໄຂມັນທີ່ຈະກ່າວນີ້ມັນດີອີ່ຫຼີ ເຊິ່ງເປັນໄຂມັນທີ່ມີຄວາມສົນໃຈ ແລະມີຫຼາຍໃນປາທະເລ ເຊິ່ງຈະມີ ໄຂມັນໂອເມກ້າ 3 ເຊິ່ງເປັນກົດໄຂມັນບໍ່ອີ່ມຕົວ ປະກອບດ້ວຍ DHA (Docosahexaenoic Acid) ແລະ EPA (Eicosapentaenoic Acid)

    ຄຸນສົມບັດຂອງໂອເມກ້າ 3 ເປັນທີ່ສົນໃຈຂອຫຼາຍໆຄົນຢູ່ບ່ອນວ່າ ສາມາດລົດໄຂມັນທີ່ເອີ້ນວ່າ ໄຕຣກລີເຊີໄຣ  (Tryglycerde) ເຊິ່ງເປັນສາເຫດຂອງບັນຫານໄຂມັນອຸດຕັນໃນຫຼອດເລືອດ ບໍ່ເກີດຂອງໂລກຫົວໃຈຂາດເລືອດ ແລະ ສະໝອງຂາດເລືອດນັ້ນເອງ ແລະຖ້າເຈົ້າຢາກກິນປາເພື່ອປ້ອງກັນໂລກດັ່ງກ່າວ ເຮົາຂໍແນະນຳໃຫ້ກິນປາທະເລອາທິດລະ 3 ຄັ້ງ ຄັ້ງລະ 1 ຂີດ ເຊິ່ງໃນຄວາມຈິງແລ້ວ ປານ້ຳຈືດກໍ່ມີ ໂອເມກ້າ 3 ເຊັ້ນດຽວກັນແຕ່ມີໜ້ອຍກວ່າ.

    ຂໍ້ດີອີກຢ່າງໜຶ່ງຂອງໂອເມກ້າ 3 ກໍ່ຄື: ຊ່ວຍເພີ່ມ HDL (High Density Lipoprotein) ເຊິ່ງເຮັດໜ້າທີ່ນຳຄໍເລັດໂຕຣໍທີ່ສະສົມຢູ່ຕາມເສັ້ນເລືອດສີແດງອອກມາທຳລາຍ ແລະຊ່ວຍປ້ອງກັນໂລກຫົວໃຈໄດ້ ມີປະໂຫຍດຫຼາຍຂະໜາດນີ້ເລີ່ມດີໃຈກັນຂຶ້ນມາແລ້ວແມ່ນບໍ່

    ຍັງບໍ່ໝົດພຽງເທົ່ານີ້ ເພາະໂອເມກ້າ 3 ມີຜົນດີຕໍ່ສະໝອງ ຈໍຕາ ການເບິ່ງເຫັນ ສະຕິປັນຍາ ແລະເຊື່ອກັນວ່າ ໂອເມກ້າ 3 ອາຈະຊ່ວຍຫຼຸດຜ່ອນອາການອັກເສບ ຫຼືຊ່ວຍໃນການຮັກສາໂລກບາງໂລກໄດ້ ເຊັ່ນ: ສາມາດຫຼຸດຜ່ອນອາການບວມ ແລະອາການອັກເສບໃນໂລກຮູໝາກຕອຍໄດ້ ສ່ວນການຮັກສາໂລກແອວອີຍັງຢູ່ໃນຂັ້ນວິໄຈແຕ່ກໍ່ມີແນວໂນ້ມທີ່ດີ.

   ນອກຈາກນີ້ແລ້ວ ຍັງມີຜົນວິໄຈວ່າສານ DHA  ມີສ່່ວນສຳຄັນໃນການພັດທະນາສະໝອງໂດຍສະເພາະໃນສ່ວນຂອງຄວາມຈື່ຈຳ ແລະການຮຽນຮູ້ ແລະເຮັດໃຫ້ເກີດການຮຽນຮູ້ໄດ້ດີຂຶ້ນ ແລະພົບວ່າເດັກນ້ອຍທີກິນນົມແມ່ ສະຫຼາດກວ່າເດັກນ້ອຍທີ່່ກິນນົມປັອງ ເພາະໃນນົມແມ່ມີສານ DHA  ໃນປັດຈຸບັນຈຶ່ງເລີ່ມມີການຄິດຄົ້້ນກຳມະວິທີ ທີ່ຈະນຳ DHA ໃສ່ເຂົ້າໄປໃນນົມ ເພື່ອຮຽນແບບນົມແມ່ ສ່ວນທີ່ເຊື່ອກັນວ່າ ໂອເມກ້າ 3 ຊ່ວຍໃຫ້ຜູ້ປ່ວຍໂລກຄວາມຈຳເສື່ອມ ຈະຊ່ວຍໃຫ້ສະໝອງກັບມາດີຂຶ້ນນັ້ນ ຍັງບໍ່ທັນມີຫຼັກຖານຢືນຢັນເທື່ອ.

ນ້ຳມັນປາ ແລະ ນ້ຳມັນຕັບປາ

    ໃນສະໝອງ ແລະຕາປາ ມີໂອເມກ້າ 3 ສູງຫຼາຍນ້ຳມັນ ເຊິ່ງເປັນນ້ຳມັນທີ່ໄດ້ມາຈາກຫົວປາ ຈຶ່່ງມີໂອເມກ້າ 3 ດີເອຈເອ ອີພີເອ ມີປະລິມານສູງເມື່ອທຽບກັບນ້ຳມັນທີ່ໄດ້ຈາກສັດອື່ນ ການກິນນ້ຳມັນປາຈຶ່ງມີສ່ວນຊ່ວຍໃຫ້ເກັດເລືອດ ເຊິ່ງມີໜ້າທີ່ເຮັດໃຫ້ເລືອດແຂັງໂຕ ບໍ່ເກາະກັນ ແລະ ໄຫຼວຽນໄດ້ດີຂຶ້ນ ຊຶ່ງຊ່ວຍລົດປັນຫາໂລກຫຼອດເລືອດຫົວໃຈຂາດເລືອດໄດ້.

    ຂໍ້ເສຍໃນການກິນນ້ຳມັນປາຫຼາຍເກີນໄປກໍ່ມີ ຄືເຮັດໃຫ້ເລືອດອອກງ່າຍ ຍິ່ງຖ້າກິນຢາທີ່ເຮັດໃຫ້ເລືອດບໍ່ແຂັງນຕົວຢູ່ແລ້ວກໍ່ຈະເປັນອັນຕະລາຍໄດ້ ເຊັ່ນ: ຄົນປ່ວຍທີ່ເລືອດໄປລ້ຽງສະໝອງ ແລະຫົວໃຈບໍ່ພໍ ທ່ານໝໍກໍ່ຈະຈ່າຍຢາແອໄພຣີນ ເຊິ່ງເປັນຢາທີ່ຕໍ່ຕ້ານບໍ່ໃຫ້ເກັດເລືອດແຂັງໂຕ ແລະຫາກທ່ານຕ້ອງການກິນນ້ຳມັນປາ ຄວນຢູ່ໃນຄວາມເບິ່ງແຍງຂອງທ່ານໝໍ.

    ສ່ວນນ້ຳມັນຕັບປາແມ່ນໄດ້ມາຈາກຕັບຂອງປາຈຶ່ງມີ DHA ຕ່ຳ ແມ່ໆ ບາງຄົນເຂົ້າໃຈວ່າ ຖ້າລູກມີອາການເບື່ອອາຫານ ກິນນ້ຳມັນຕັບປາເພື່ອໃຫ້ມີວິຕາມິນ ແລະຫວັງວ່າລູກຈະ ຈະເລີນອາຫານເຊິ່ງເປັນການເຂົ້າໃຈທີ່ຜິດ ເພາະຫຼັງຈາກທີ່ໄດ້ປຶກສາກັບທ່ານໝໍແລ້ວຈຶ່ງເຂົ້າໃຈວ່າ ວິຕາມິນທີ່ມີໃນນ້ຳມັນຕັບປາ ບໍ່ກ່ຽວກັບການເຜົາຜານອາຫານເລີຍ.

    ໃນນ້ຳມັນຕັບປາມີວິຕາມິນ ທີ່ລະລາຍໃນໄຂມັນເທົ່ານັ້ນ ຄືວິຕາມິນ ເອ ດີ ອີ ເຄ ເຊິ່ງຫາກໄດ້ຮັບວິຕາມິນດີ ແລະ ເອຫຼາຍເກີນໄປ ຈະສະສົມໃນຮ່າງກາຍແລະເປັນອັນຕະລາຍໄດ້ ຫາກເດັກນ້ອຍຂາດວິຕາມິນທ່ານໝໍຈະສັ່ງສະເພາະວິຕາມິນ ທີ່ຂາດໃຫ້ເທົ່ານັ້ນ ແລະ ທ່ານໝໍຍັງບອກອີກວ່າ ນ້ຳມັນຕັບປາບໍ່ແມ່ນສິ່ງຈຳເປັນຕໍ່ຮ່າງກາຍ.  

ສັ່ງສິນຄ້າໄດ້ທີ່: https://www.shopping-d.online/products/%E0%BA%9B%E0%BA%B2%E0%BA%99%E0%BA%B4%E0%BA%99-nile-tilapia