ສັບພະຄຸນ ແລະ ປະໂຫຍດຂອງຜັກຫວານ

ຜັກຫວານເປັນຜັກພື້ນບ້ານຊະນິດໝຶ່ງທີ່ນິຍົມນຳມາຮັບປະທານທັງໃນແບບປົກກະຕິແລະໃນແບບສະໝູນໄພເພື່ອຮັກສາໂລກຕ່າງໆ ຜັກຫວານເປັນໄມ້ຍືນຕົ້ນຂະໝາດໃຫ່ຍທີ່ມີໃບແລະຍອດເປັນສີຂຽວອ່ອນ ປະໂຫຍດຂອງຜັກຫວານນັ້ນມີຫຼາຍອຸດົມໄປດ້ວຍຄຸນຄ່າທາງໂພຊະນາການ ໂດຍມີໂປຕີນ ວິຕາມີນແລະໃຍອາຫານທີ່ຊ່ວຍໃນການຂັບຖ່າຍ ເນື່ອງຈາກການນິຍົມບໍລິໂພກຜັກຫວານສູງຂື້ນ ປະຈຸບັນຈຶ່ງມີການນຳຜັກຫວານມາປູກເປັນກະເສດເຮັດໃຫ້ສາມາດຫາຮັບປະທານໄດ້ງ່າຍກວ່າເມື່ອກ່ອນ.

# ປະໂຫຍດຂອງຜັກຫວານມີດັ່ງນີ້:

• ຜັກຫວານສາມາດນຳມາປຸງອາຫານໄດ້ຫຼາຍຊະນິດເຊັ່ນ: ແກງຈືດ,ແກງສົ້ມເປັນຕົ້ນ.
• ນິຍົມນຳຜັກຫວານມາເຮັດແກງສົ້ມອາຫານຈັດຈຳພວກ ຕຳແລະລາບ ຫຼື ຈື້ມກັບແຈ່ວແລະນ້ຳພີກໄດ້ທຸກຊະນິດ.
• ປະໂຫຍດຂອງຜັກຫວານ ຄົນໂບຮານນິຍົມນຳມາເຮັດສະໝູນໄພເພື່ອຮັກສາໂລກໄດ້ຫຼາຍຊະນິດ.
• ມີໂປຕີນ ວິຕາມີນຊີ ແລະ ໃຍອາຫານສູງ ຊ່ວຍລົດອາການເລືອດອອກຕານໄຮແຂ້ວ ແລະ ຊ່ວຍໃຫ້ລະບົບຂັບຖ່າຍເຮັດວຽກໄດ້ດີ.
• ຮາກຜັກຫວານ ສາມາດນຳມາຕົ້ມເພື່ອແກ້ອາການປວດມົດລູກ ແລະ ແກ້ດີພິການ.
• ແກ່ນຕົ້ນຜັກຫວານສາມາດນຳມາຕົ້ມຮັບປະທານປກ້ອາການປວດຕາມຂໍ້.
• ແກ້ຮ້ອນໃນກະຫາຍນ້ຳ ເຮັດໃຫ້ຮູ້ສືກຊຸ່ມຊື່ນຂື້ນ.
• ຜັກຫວານອຸດົມໄປດ້ວຍສານຕ້ານອະນຸມູນອິດສະຫຼະທີ່ສຳຄັນ ຊ່ວຍລົດຄວາມສ່ຽງໃນການເກີດໂລກມະເຮັງເຊັ່ນ: ເບຕ້າແຄໂລທືນ ວິຕາມີນເອ ວິຕາມີນຊີ ແລະ ສານປະກອບຟີນອະລີກ
• ຊ່ວຍລົດອາການໄຂ້ ເຮັດໃຫ້ຮູ້ສືກຊຸ່ມຊື່ນຂື້ນ.
• ປະໂຫຍດຂອງຜັກຫວານ ນຳມາເຮັດຊາຜັກຫວານດື່ມແກ້ຮ້ອນໃນ ແລະ ຕ້ານອະນຸມູນອິດສະຫຼະ.
• ຜັກຫວານມີປະໂຫຍດແກ້ອາການລະຄັບລະຄາຍ.
• ຜັກຫວານມີແຄລຊ້ຽມ ແລະ ຟອດຟໍສລັດສູງ ມີປະໂຫຍດຊ່ວຍບຳລຸງກະດູກແລະແຂ້ວ.
• ຜັກຫວານນຳມາເປັນສ່ວນປະກອບຂອງຢາເພື່ອແກ້ທາດໄຟ.
• ປະໂຫຍດຂອງຜັກຫວານຊ່ວຍເພີ່ມນ້ຳນົມແມ່ຫຼັງການເກີດລູກ ໂດຍນຳມາຕົ້ມລວມກັບຕົ້ນນົມສາວ.
• ໃບແລະຮາກສາມາດນຳມາຕຳເພື່ອຮັກສາແຜໄດ້ ຊ່ວຍໃຫ້ແຜຫາຍໄວຂື້ນ.

ປະໂຫຍດຂອງຜັກຫວານນັ້ນມີຫຼາຍ ແຕ່ກໍ່ມີຂໍ້ຄວນລະວັງໃນການບໍລິໂພດ ຄືຄວນບໍລິໂພກຜັກຫວານສະເພາະທີ່ເຮັດສຸກແລ້ວເທົ່ານັ້ນ ເນື່ອງຈາກການຮັບປະທານແບບດິບໆ ອາດຈະເຮັດໃຫ້ເກີດອາການແພ້ແລະເມົາໄດ້ ດັ່ງນັ້ນຈຶ່ງຄວນເຮັດສຸກກ່ອນທຸກເທື່ອເພື່ອທີ່ຈະໄດ້ຮັບປະໂຫຍດຈາກຜັກຫວານຢ່າງເຕັມທີ່.

Credit: www.เกร็ดความรู้.net.com