ມາເບິ່ງກັນວ່າ ກຣຸບເລືອດຂອງເຈົ້າ ສາມາດກິນໝາກໄມ້ຊະນິດໃດໄດ້ແດ່?.

ຫຼາຍໆຄົນອາດຈະເຄີຍໄດ້ຍິນ ຫຼືໄດ້ອ່ານຂ່າວສານກັນແລ້ວ ເລື່ອງການກິນອາຫານໃຫ້ເຂົ້າກັບກຣຸບເລືອດ ຂອງໂຕເອງມາແລ້ວແມ່ນບໍ່ ມື້ນີ້ Shopping-d ຈະມາແນະນຳ ໝາກໄມ້ດີໆ ທີ່ເຂົ້າກັບກຣຸບເລືອດນັ້ນໆມາຝາກ ເອົາໄວ້ເປັນຂໍ້ສຸຂະພາບອີກດ້ານໜຶ່ງໆ ງ່າຍໆ ເຮົາມາເບິ່ງນຳກັນເລີຍວ່າກຣຸບເລືອດຂອງເຈົ້ານັ້ນ ຄວນຈະກິນໝາກໄມ້ຊະນິດໃດ.

ກຣຸບA: ໂດຍທຳມະຊາດແລ້ວ ໝາກໄມ້ທີ່ມີກົດສູງຈະຖືກກັບກຣຸບເລືອດກຣຸບນີ້ ເຊັ່ນວ່າ ໝາກນັດ, ໝາກເຊີຣີ່ ແລະ ໝາກໄມ້ອືນໆທີ່ມີກົດສູງ ເພື່ອໄປເພີ່ມປະສິດທິພາບໃນການຍ່ອຍ.

ກຣຸບ B: ມີລະບົບຍ່ອຍທີ່ດີ ແຕ່ຮ່າງກາຍເຜົາຜານເພື່ອນຳພະລັງງານໄປໃຊ້ໄດ້ບໍ່ດີປານໃດ ຈຶ່ງຂ້ອນຂ້າງຕຸ້ຍງ່າຍ ບໍ່ສະບາຍງ່າຍ ເໝາະສົມກັບການກິນຊີສ ນົມ ແລະ ນ້ຳມັນໝາກກອກ ໝາກໄມ້ທີ່ດີຕໍ່ສຸຂະພາບຂອງເຈົ້າແມ່ນ ໝາກນັດ, ໝາກກ້ວຍ, ໝາກຫຸ່ງ, ໝາກອາງຸ່ນ ທີ່ຍ່ອຍງ່າຍ ແລະຮ່າງກາຍດູດຊຶມໄປໃຊ້ໄດ້ໄວ.

ກຣຸບ AB: ການກິນອາຫານຂອງກຣຸບເລືອດກຣຸບນີ້ ຂ້ອນຂ້າງຈະໄດ້ກິນປະລົມປະສານເລັກນ້ອຍ ຄົນກຣຸບ AB ມັກມີປັນຫາເລື່ອງ ພູມຄຸ້ມກັນ ແລະກົດໃນກະເພາະຕ່ຳ ຕ້ອງກິນຜັກແລະຊີ້ນໃຫ້ສົມດຸນ ໝາກໄມ້ທີ່ເໝາສົມຄື: ໝາກອາງູ່ນ, ໝາກເບີຣີ່, ໝາກນັດ ແລະໝາກສົ້ມໂອເປັນຕົ້ນ ຈະຊ່ວຍຮັກສາຄວາມສົມດຸນຂອງກົດ-ດ່າງ ໃນກະເພາະອາຫານໄດ້ເປັນຢ່າງດີ.

ກຣຸບ O: ສຳລັບກຣຸບນີ້ຈະເປັນຂົ້ວກົງກັນຂ້າມກັບກຣຸບ A ເລີຍ ກະເພາະຂອງເລືອດກຣຸບນີ້ມີຄວາມເປັນກົດສູງ ຈຶ່ງເໝາະສຳລັບການຍ່ອຍຊີ້ນ ແລະມີແນວໂນ້ມຕຸ້ຍງ່າຍ ໝາກໄມ້ທີ່ເໝາະສົມກັບເລືອດກຣຸບນີ້ຄື ໝາກສົ້ມໂອ ແລະ ເບີຣີ່ຕ່າງໆ ທີ່ຈະຊ່ວຍສ້າງຄວາມສົມດຸນໃນກະເພາະໄດ້ ບໍ່ເຮັດໃຫ້ລະຄາຍເຄືອງ.

            ສຳລັບຂໍ້ມູນທີ່ກ່າວມາຂ້າງເທິງນັ້ນເປັນພຽງຂໍ້ມູນສ່ວນໜຶ່ງໃນການກິນໝາກໄມ້ບາງຊະນິດ ແລະກໍ່ບໍ່ໄດ້ໝາກຄວາມວ່າຖ້າໝາກໄມ້ຊະນິດນີ້ບໍ່ຖືກກັບກຣຸບເລືອດກໍ່ໃຫ້ຢຸດກິນເລີຍ ເຮົາຕ້ອງກິນ ພຽງແຕ່ກິນໃຫ້ໜ້ອຍລົງເທົ່ານັ້ນ.