ບໍ່ດື່ມແອລກໍຮໍເລີຍ ກັບ ດື່ມເລັກນ້ອຍ ແບບໃດດີຕໍ່ສຸຂະພາບຫຼາຍກ່ວາກັນ?

ແອກໍຮໍເຊັ່ນວ່າ ເຫຼົ້າ, ເບຍ ວິສກີ້ ແລະອື່ນໆ ເຖິງວ່າຈະມີຜົນການວິໄຈບອກວ່າການຈິບເລັກໆນ້ອຍໆ ສົ່ງຜົນດີຕໍ່ສຸຂະພາບໄດ້ ແຕ່ຫາກປຽບທຽບກັບການບໍ່ດື່ມແອລກໍຮໍເລີຍ ອັນໃດຈະສົ່ງຜົນດີ ຕໍ່ຮ່າງກາຍໄດ້ຫຼາຍກວ່າກັນ.

Robert H. Shmering ບັນນາທິການປະຈຳ Harvard Health Publishing ລະບຸວ່າ ຄວາມສຳພັນລະຫວ່າງ ສຸຂະພາບຂອງມະນຸດ ກັບແອລກໍຮໍ ເປັນຄວາມສຳພັນທີ່ຂ້ອນຂ້າງຊັບຊ້ອນ ເຖິງແມ້ວ່າຈະມີລາຍງານການວິໄຈຫຼາຍຂຶ້ນພິສູດວ່າ ແອລກໍໍຮໍໃນປະລິມານ ເລັກນ້ອຍ ຫຼືປະລິມານທີ່ພໍເໝາະ ສາມາດເປັນປະໂຫຍດ ຕໍ່ຮ່າງກາຍໄດ້ ແຕ່ຖ້າເຮົາບໍ່ຮູ້ໃນປະລິມານທີ່ພໍດີ ແລະດື່ມຫຼາຍເກີນໄປ ແນ່ນອນວ່າຍ່ອມສົ່ງຜົນເສຍຕໍ່ຮ່າງກາຍໃຫ້ເຮົາເຫັນຢ່າງຊັດເຈນຢູ່ແລ້ວ ດັ່ງນັ້ນ, ຈຸດສຳຄັນ ຈຶ່ງຢູ່ທີ່ປະລິມານທີ່ພໍດີຕໍ່ຮ່າງກາຍມັນຢູ່ບ່ອນໃດ? ແລະ ຖ້າວ່າປຽບທຽບປະໂຫຍດທີ່ໄດ້ຮັບກັບການທີ່ເຮົາບໍ່ດື່ມແອລກໍຮໍເລີຍ ແບບໃດດີຕໍ່ຮ່າງກາຍຫຼາຍກວ່າກັນ?

ຜົນການວິໄຈລ່າສຸດເມື່ອເດືອນມິຖຸນາ 2018 ທີ່ຜ່ານມານີ້ ໄດ້ຖືກຕີພິມໃນວາລະສານ PLOS Medicine ພົບວ່າ ສຳລັບຜູ້ໃຫຍ່ໄວກາງຄົນຂຶ້ນໄປ ການດື່ມພຽງເລັກໜ້ອຍ (1-4 ແກ້ວຕໍ່ອາທິດ) ມີຄວາມກ່ຽວພັນ ກັບຄວາມສ່ຽງຕໍ່ການເສຍຊີວິດຈາກໂລກໄພໄຂ້ເຈັບຕ່າງໆ ໜ້ອຍກວ່າຄົນທີ່ບໍ່ດື່ມເລີຍ.

ໃນເດືອນສິງຫາ 2018 ມີການລາຍງານການວິໄຈ 2 ອັນທີ່ຕີພິມອອກໃນວາລະສານ The Lancet ລະບຸວ່າ ປະລິມານການດື່ມທີ່ເຄີຍມີການແນະນຳວ່າໃຫ້ດື່ມ 1 ແກ້ວຕໍ່ມື້ ຫຼືໜ້ອຍກວ່ານັ້ນສຳລັບຜູ້ຍິງ ແລະ 2ແກ້ວນຕໍ່ມື້ ຫຼືໜ້ອຍກວ່ານັ້ນສຳລັບຜູ້ຊາຍ ເປັນປະລິມານທີ່ຫຼາຍເກີນໄປ ອາດກໍ່ໃຫ້ເກີດ ອັນຕະລາຍຕໍ່ສຸຂະພາບໄດ້ ຜົນງານວິໄຈອັນທີ 2 ມີການກວດສອບຂໍ້ມູນຈາກຫຼາຍງານວິໄຈ ແລະລວບລວມຂໍ້ມູນອື່ນໆ ມາວິເຄາະຮ່ວມກັນ ທັງຍອດຂາຍເຄື່ອງດື່ມແອລກໍຮໍ ການດື່ມເຄື່ອງດື່ມທີ່ມີແອກໍຮທີ່ເຮັດເອງ ລວມໄປເຖິງປະລິມານການດື່ມຂອງນັກທ່ອງທ່ຽວໂດຍສະເລ່ຍໃນພື້ນທີ່ ຫຼາຍກວ່າ 195 ແຫ່ງ ພົບວ່າ ແອລກໍຮໍ ສາມາດສົ່ງຜົນກະທົບໄປເຖິງສຸຂະພາບຮ່າງກາຍໂດຍລວມໄດ້ ນັບຕັ້ງແຕ່ໂລກຫົວໃຈ, ມະເຮັງ, ໂລກຕິດເຊື້ອ, ອຸບັດຕິເຫດຕາມເສັ້ນທາງ ແລະ ການເສຍຊີວິດ ຈົນມາເຖິງ ບົດສະຫຼຸບທີ່ວ່າ ການບໍ່ດື່ມແອລກໍຮໍເປັນຜົນດີຕໍ່ຮ່າງກາຍຫຼາຍກວ່າ ເນື່ອງມາຈາກ

            ການດື່ມສິ່ງມຶນເມົາເປັນສາເຫດອັນດັບ 7 ຂອງການເສຍຊີວິດ ແລະພິການທົ່ວໂລກ ໃນປີ 2016 ປະມານ 2% ຂອງຜູ້ຍິງ ແລະ 7% ຂອງຜູ້ຊາຍ ທີ່ເສຍຊີວິດທັງໝົດ ( ປະມານ 8 ລ້ານຄົນ ) ມີສ່ວນກ່ຽວຂ້ອງກັບເຄື່ອງດື່ມສິ່ງມຶນເມົາທັງໝົດ.

            ເຄື່ອງດື່ມສິ່ງມຶນເມົາ ເປັນສາເຫດຫຼັກຂອງການເສຍຊີວິດ ແລະພິການຂອງຄົນທົ່ວໂລກ ທີ່ມີອາຍຸລະຫວ່າງ 15 - 49 ປີ ໂດຍສາເຫດຫຼັກໆແມ່ນ ໂລກວັນນະໂລກ, ອຸບັດຕິເຫດຕາມເສັ້ນທາງ ແລະ ການໄດ້ຮັບບາດເຈັບຈາກການທຳຮ້າຍຮ່າງກາຍ ( ຄວາມສ່ຽງຕໍ່ການເສຍຊີວິດຈະເພີ່ມຫຼາຍຂຶ້ນ ຫາກມີສິ່ງມຶນເມົາມາກ່ຽວຂ້ອງນຳ)

            ຜູ້ໃຫຍ່ໄວກາງຄົນຂຶ້ນໄປ ມີສາເຫດຫຼັກອັນດັບຕົ້ນໆ ຂອງການເສຍຊີວິດຈາກໂລກມະເຮັງ, ທີ່ກ່ຽວຂ້ອງກັບການດື່ມສິ່ງມຶນເມົາ.

            ໂດຍທົ່ວໄປແລ້ວ ສຸຂະພາບຂອງຮ່າງກາຍຈະອ່ອນເພຍລົງຫາກມີການພົບວ່າ ການດື່ມສິ່ງມຶນເມົາເລື້ອຍໆ ຢ່າງໄດ້ກໍຕາມ ເຖິງວ່າຈະມີການລາຍງານພົບວ່າ ການດື່ມສິ່ງມຶນເມົາພຽງເລັດໜ້ອຍ ( ໜ້ອຍກວ່າ 1 ແກ້ວຕໍ່ມື້) ສາມາດຫຼຸດຄວາມສ່ຽງໃນການເປັນໂລກອັນຕະລາຍບ່າງຊະນິດເຊັ່ນວ່າ: ໂລກຫົວໃຈ ແລະ ເບົາຫວານ ໄດ້ ເຊັ່ນ ຜູ້ຊາຍທີ່ດື່ມ 8 ແກ້ວ ( ໜ້ອຍກວ່າ 1 ແກ້ວເຕັມໆ ) ຕໍ່ມື້ ແລະ ຜູ້ຍິງທີ່ດື່ມ 0.9 ແກ້ວຕໍ່ມື້ ພົບວ່າມີຄວາມສ່ຽງຕໍ່ໂລກຫົວໃຈວາຍ ແລະຫົວໃຈ ໜ້ອຍກວ່າຜູ້ທີ່ບໍ່ດື່ມ 14% ແລະ 18% ຕາມລຳ ແຕ່ທ້າຍທີ່ສຸດແລ້ວ ຫົນທາງທີ່ປອດໄພ ແລະ ດີຕໍ່ຮ່າງກາຍຫຼາຍທີ່ສຸດ ຄືການບໍ່ດື່ມເລີຍຈະດີກວ່າ.

ເຮົາຄວນເຊົາດື່ມເລີຍດີບໍ່?.

            ເມື່ອການດື່ມສິ່ງມຶນເມົາ ສົ່ງຜົນເສຍຫຼາຍກວ່າຜົນດີຢ່າງເຫັນໄດ້ຢ່າງຊັດເຈນ ການຫຼີກລ່ຽງສິ່ງມຶນເມົາໂດຍສົມບູນກໍເປັນທາງເລືອກທີ່ດີ ພຽງແຕ່ໃນບາງສັງຄົມ ແອລກໍຮໍ ເປັນສ່ວນໜຶ່ງຂອງຊີວິດຂອງເຂົາເຫຼົ່ານັ້ນໂດຍບໍ່ສາມາດຫຼີກລ່ຽງໄດ້ ການຄວບຄຸມປະລິມານໃນການດື່ມ ແລະລະມັດລະວັງໂຕເອງບໍ່ໄປສ້າງຄວາມເດືອດຮ້ອນ ໃຫ້ໃຜ ນີ້ຄົງເປັນຕົວເລືອກທີ່ດີທີ່ສຸດ ເປັນການເລືອກດື່ມສະເພາະບາງໂອກາດ ເລືອກດື່ມໃນປະລິມານທີ່ບໍ່ຫຼາຍ ບໍ່ປ່ອຍໃຫ້ໂຕເອງ ເມົາຈົນບໍ່ມີສະຕິ ຫຼືບໍ່ດື່ມຈົນຕິດເປັນນິໄສ ຫຼືທຳຮ້າຍໃຜ ລວມເຖິງບໍ່ມີປັນຫາສຸຂະພາບ ຖ້າປະຕິບັດໄດ້ຕາມນີ້ກໍສາມາດດື່ມຕໍ່ໄປໄດ້.

ແລະສິ່ງສຳຄັນ ເມົາບໍ່ຂັບ ເພາະນອກຈາກຈະຜິດກົດໝາຍແລ້ວ ຍັງອາດຈະປະສົບອຸບັດຕິເຫດ ຫຼືອາດຈະເຮັດໃຫ້ຄົນອື່ນເສຍຊີວິດໄດ້ ຖ້າຄິດຈະດື່ມຕ້ອງມີສະຕິຢູ່ສະເໝີ.