ຖ້າບໍ່ຢາກເຖົ້າໄວ ຄວນຮູ້! ວິຕາມິນທີ່ຊ່ວຍຊະລໍຄວາມແກ່

ຖ້າບໍ່ຢາກເຖົ້າໄວ ຄວນຮູ້! ວິຕາມິນທີ່ຊ່ວຍຊະລໍຄວາມແກ່

ຖ້າບໍ່ຢາກເຖົ້າໄວຄວນຮູ້ ! 7 ປະໂຫຍດ ຂອງວິຕາມິນ ທີ່ຊ່ວຍຊະລໍການເຖົ້າໄວ ກິນເເພື່ອສຸຂະພາບຂອງທ່ານ

            ໂດຍທົ່ວໄປ ຜູ້ສູງອາຍຸ ຫຼືຄົນທີ່ຕ້ອງການກິນເພື່ອ ຊະລໍຄວາມແກ່ ມັກຈະເລືອກກິນອາຫານວິຕາມິນ ແລະແຮ່ທາດເສີມ ທີ່ອາຫານທົ່ວໆໄປບໍ່ສາມາດໃຫ້ໄດ້ໃນປະລິມານທີ່ພຽງພໍ ເຊັ່ນ: ວິຕາມິນບີ 6, ວິຕາມິນບີ 12, ກົດໂຟລິກ, ສັງກະສີ, ຊີລີນຽມ ລວມເຖິງ ວິຕາມິນ ທີ່ບໍ່ມີຜົນກະທົບໃດໆ ເຖິງຈະໄດ້ຮັບໃນປະລິມານຫຼາຍ ເຊິ່ງຄຸນສົມບັດຕ່າງໆມີດັ່ງລຸ່ມນີ້:

ວິຕາມິນບີ 6:

ຄຸນສົມບັດ: ມີບົດບາດເລື່ອງການເຮັດວຽກຂອງລະບົບພູມຕ້ານທານຂອງລະບົບພູມຄຸ້ມກັນ ຊ່ວຍໃນເລື່ອງຄວາມຈື່ຈຳ ແລະເປັນໂຕເສີມໃຫ້ ກົດໂຟລິກຄວບຄຸມລະດັບໂຮໂມດິສຕີນໃນເລືອດ ປ້ອງກັນຫົວໃຈວາຍໄດ້ດີຍິ່ງຂຶ້ນ ແຕ່ເມື່ອອາຍຸຫຼາຍຂຶ້ນ ຮ່າງກາຍຈະດູດຊຶມອາຫານ ຈາກວິຕາມິນບີ 6 ໄດ້ໜ້ອຍລົງ ເຮັດໃຫ້ລະບົບພູມຄຸ້ມກັນໂລກຜະລິດເມັດເລືອດຂາວໜ້ອຍລົງ.

ມີຢູ່ໃນອາຫານປະເພດ: ວິຕາມິນບີ 6 ມີຫຼາຍຢູ່ໃນອາຫານປະເພດ ອາຫານທະເລ, ຖົ່ວເຫຼືອງ, ມັນເທດ, ກ້ວຍ

ວິຕາມິນບີ 12:

ຄຸນສົມບັດ: ຊ່ວຍຊະລໍຄວາມແກ່ຂອງສະໝອງ ແລະລະບົບປະສາດ ເມື່ອອາຍຸກ້າວເຂົ້າສູ່ໄວກາງຄົນ ຮ່າງກາຍຈະສະກັດ ວິຕາມິນບີ 12 ໄດ້ໜ້ອຍລົງ ເຮັດໃຫ້ມີປັນຫາຫຼົງລືມໄດ້ງ່າຍ ເມື່ອຂາດວິຕາມິນໂຕນີີ້.

ມີຢູ່ໃນອາຫານປະເພດ: ມີຢູ່ໃນຜະລິດຕະພັນນົມ, ຊີ້ນສັດ, ຊີ້ນປາ ແລະ ໄກ່.

ກົດໂຟລິກ:

ຄຸນສົມບັດ: ຈະຊ່ວຍຫຼຸດລະດັບຮໍໂມນຄິສຕິນ ເຊິ່ງວ່າຮໍໂມນໂຕນີ້ ຖ້າມີຫຼາຍ ຈະເຮັດໃຫ້ລິ່ມເລືອດແຂັງໂຕໄດ້ງ່າຍ ກາຍເປັນສາເຫດໜຶ່ງຂອງ ອາການຫົວໃຈວາຍ ນອກຈາກນີ້ກົດໂຟລິກ ຍັງຊ່ວຍຕ້ານມະເລັງທີ່ປອດ ເຕົ້ານົມ ແລະລຳໄສ້ໃຫຍ່ ແລະຊ່ວຍຫຼຸດຜ່ອນຄວາມຄຽດ ຊ່ວຍເລື່ອງຄວາມຈື່ຈຳ ແລະຍັງຊ່ວຍໃຫ້ອາລົມດີອີກດ້ວຍ.

ມີຢູ່ໃນອາຫານປະເພດ: ຖົ່ວເມັດແຫ້ງ, ໝາກກ້ຽງ, ໝາກນາວ ແລະ ຜັກໃບຂຽວ.

ໂຄຣມຽມ:

ຄຸນສົມບັດ: ຈາກການວິໄຈຄົ້ນພົບວ່າ ໂຄມຽມເປັນແຮ່ທາດ ທີ່ຊ່ວຍເສີມໃຫ້ປະສິດທິພາບຂອງ ອິນຊູລິນ ສູງຂຶ້ນ ຄືຊ່ວຍປັບໃຫ້ອິນຊູລິນ ແລະນ້ຳຕານໃນເລືອດມີຄວາມສົມດຸນ ອີທັງຍັງຊ່ວຍຫຼຸດ ຄໍເລັດເຕີລໍຮ້າຍ ຊ່ວຍເພີ່ມ T-cell ໃນລະບົບພູມຄຸ້ມກັນໂລກ ເພີ່ມຮໍໂມນ DHEA ແລະຊະລໍການເຖົ້າໄວ.

ມີຢູ່ໃນອາຫານປະເພດ: ເຂົ້າບາເລ່, ກຸ້ງລັອບເຕີ, ກຸ້ງ, ຕັບ, ເຫັດ, ບັອກໂຄລີ່ ແລະ ທັນຍາພືດ.

ສັງກະສີ:

ຄຸນສົມບັດ: ມີການວິໃຈພົບວ່າສັງກະສີ ຊ່ວຍຟື້ນສະພາບຂອງຕ່ອມໄທມັສ ຊຶ່ງຕ່ຶມໄທມັສເປັນແຫຼ່ງຜະລິດ T-cell ທີ່ມີໜ້າທີ່ໂດຍຕົງກັບລະບົບພູມຄຸ້ມກັນໂລກ ຄືປ້ອງກັນເຊື້ອໂລກ ແລະຕໍ່ສູ້ກັບສິ່ງແປກປອມໃນຮ່າງກາຍ ເຮັດໃຫ້ບໍ່ຕິດເຊື້ອງ່າຍ

ມີຢູ່ໃນອາຫານປະເພດ: ອາຫານທະເລ ເຊັ່ນ: ຫອຍນາງລົມ, ຖົ່ວ, ທັນຍາພືດ ແລະຊີ້ນທີ່ບໍ່ຕິດມັນ ອາຫານທົ່ວໄປມັກມີສັງກະສີບໍ່ພໍ ໂດຍສະເພາະບາງຄົນທີ່ບໍ່ກິນຊີ້ນ ອາດຈະຕ້ອງກິນທາດທີ່ມີສັງກະສີເພີ່ມ.

ຊີລີນຽມ:

ຄຸນສົມບັດ: ຊ່ວຍໃຫ້ອາລົມດີ ຫຼຸດຜ່ອນຄວາມກັງວົນ ປ້ອງກັນມະເຮັງ ແລະໂລກຫຼອດເລືອດຫົວໃຈ ຊ່ວຍຟື້ນປະສິດທິພາບລະບົບ ພູມຄຸ້ມກັນ ຕ້ານທານໄວລັດ

ມີຢູ່ໃນອາຫານປະເພດ: ເມັດພືອ ອາຫານຈຳພວກທັນຍາພືດ ແກ່ນຕາເວັນ ອາຫານທະເລ ມີຫຼາຍເປັນພິເສດໃນປາທູນ່າ ແລະຖົ່ວບາຊິວ

ວິຕາມິນຊີ:

ຄຸນສົມບັດ: ຊ່ວຍເສີມສ້າງລະບົບພູມຄຸ້ມກັນ ລວມເຖິງເພີ່ມຈຳນວນເມັດເລືອດຂາວ ປ້ອງກັນໂລກປອດ ໂລກຫຼອດເລືອດຫົວໃຈ ຕໍ້ກະຈົກຕາ ແລະມະເຮັງ

ມີຢູ່ໃນອາຫານປະເພດ: ມີຫຼາຍໃນຜັກ ໝາກໄມ້ ເຊັ່ນ: ໝາກກ້ຽງ, ໝາກນາວ, ໝາກຫຸ່ງ, ສະຕໍເບີລີ່, ບັອກໂຄລີ່ ກີວີ່, ໝາກເຜັດ ແລະຜັກກາດຂາວ.

Previous article ປະໂຫຍດຖົ່ວລູກໄກ່

Leave a comment

Comments must be approved before appearing

* Required fields