ຊ່ວຍຊະລໍຄວາມແກ່ໄດ້ງ່າຍໆ ກັບເມນູໄກ້ໂຕເຮົາ.
ບໍ່ວ່າໃຜກໍ່ບໍ່ຍອມຢາກປ່ອຍໃຫ້ໂຕເອງເບິ່ງຄື່ວ່າແກ່ກວ່າໄວ ແລ້ວເລື່ອງທີ່ບໍ່ຍອມແກ່ນີ້ຕ້ອງຍົກໃຫ້ບັນດາສາວໆທັງຫຼາຍ ບໍ່ວ່າສາວໆທ່ານໃດກໍຢາກທີ່ຈະເຮັດໃຫ້ໂຕເອງເບິ່ງຄື ເປັນສາວ ແລະຕ້ອງງາມຢູ່ຕະຫຼອດເວລາ ໂດຍບໍ່ຍອມແພ້ໃຫ້ກັບໂຕເລກຂອງໄວທີ່ເພີ່ມຂຶ້ນມາໃນທຸກຂະນະ ເຖິງວ່າຫຼາຍໆເທື່ອ ອາຍຸຈະຂຶ້ນເລກຫຼາຍຫຼັກກັນແລ້ວກໍຕາມ ແຕ່ຕະເຮັດຢ່າງໃດໄດ້ ເມື່ອສະພາບຮ່າງກາຍປ່ຽນໄປຕາມວັນ ເວລາ ແລະຮອຍແຫ່ວຕ່າງໆ ເລີ່ມຖາມຫາ ເຮົາຈຶ່ງມີຄວາມຮູ້ດີໆ ກ່ຽວກັບການເລືອກຮັບປະທານອາຫານທີ່ຈະຊ່ວຍຫຼຸດຄວາມເສື່ອມຂອງຮ່າງກາຍ ເຮັດໃຫ້ເຮົາຢູ່ແບບແຂງແຮງ ແລະດົນໆ ມາໃຫ້ອ່ານນຳກັນ.
ຢຸດຜິວໜັງທີ່ແຫ່ວຍານ.
ເມື່ອອາຍຸເພີ່ມຂຶ້ນ ນ້ຳຫຼໍ່ລ້ຽງຜິວກໍຫຼຸດລົງ ເຮັດໃຫ້ຜິວບໍ່ເຄັ່ງຕຶງຄືແຕ່ກ່ອນ “ເຕົ້າຮູ້” ຂາວໆອວບໆນີ້ແຫຼະທີ່ຊ່ວຍໄດ້ເພາະເຕົ້າຮູ້ມີຮໍໂມນ ເອສໂຕຣເຈັນ ຊຶ່ງເປັນຮໍໂມນເພດຍິງ ມີສ່ວນຊ່ວຍເຮັດໃຫ້ຜິວນຽນນຸ່ມ ຜິວພັນຜ່ອງໄສ ຊ່ວຍຢຸດຢັ້ງຜິວທີ່ຊີດຊຽວ ແຫ່ວຍານ ໃນກັບມາມີຊີວິດຊີວາອີກຄັ້ງ.
ຢຸດຜົມຂາວທີ່ຫຼາຍໆຄົນບໍ່ຕ້ອງການ.
ຜົມທີ່ຄ່ອຍໆປ່ຽນສີໄປເທື່ອລະເສັ້ນ ອາດເປັນປັນຫາທີ່ຄອງຄອຍບັ່ນທອນຄວາມໝັ້ນໃຈຂອງສາວໆທັງຫຼາຍ ການຍ້ອມຜົມອາດຈະເປັນໂຕຊ່ວຍໜຶ່ງ ແຕ່ອີກທາງເລືອກໜຶ່ງທີ່ດີບໍ່ແພ້ກັນກໍຄື ການກິນອາຫານ “ວໍນັດ” ເພາະວໍນັດອຸດດົມໄປດ້ວຍ ທອງແດງ ແລະທອງແດງນີ້ ຈະຊ່ວຍຄົງສະພາບສີຜົມຂອງເຈົ້າບໍ່ໃຫ້ປ່ຽນສີກ່ອນໄວອັນຄວນ
ຢຸດສາຍຕາຝ້າ ຟາງ.
ປັນຫາເລື່ອງສາຍຕາເປັນປັນຫາອັນດັບຕົ້ນໆ ສຳລັບຜູ້ທີ່ມີອາຍຸເພີ່ມຂຶ້ນ ເຊິ່ງການເບິ່ງແຍງຮັກສາດວງຕາ ໄດ້ແກ່ໝາກໃມ້ຕະກຸນເບີຣີ່ ໂດຍສະເພາະ “ບລູເບີຣີ່່” ເພາະໃນສີມ່ວງຂອງມັນຈະມີແອນໂທໄຊຢານິນ (anthocyanin) ຢູ່ ແລະສານນີ້ຊ່ວຍໃນເລື່ອງຂອງການເບິ່ງ.
ຢຸດການຫຼົງໆ ລືມໆ.
ບຶດໜຶ່ງກໍ່ລືມຫັ້ນ ອີກຄາມໜຶ່ງກໍ່ລືມນີ້ ເຊິ່ງວ່າອາການນີ້ ສ່ວນໜຶ່ງເປັນເພາະເຊລະໝອງເສື່ອມຖອຍໄປຕາມການເວລາ ແຕ່ເຮົາສາມາດຢືດອາຍຸຂອງສະໝອງໃຫ້ຢູ່ດົນໄດ້ໂດຍການກິນ “ໝາກເຂືອມ່ວງ” ເພາະໃນເປືອກໝາກເຂືອມ່ວງອຸດົມໄປດ້ວຍນາຊູນິນ (nasunin) ສານທີ່ມີຄຸນສົມບັດໃນການຊ່ວຍປົກປ້ອງເຊລສະໝອງຂອງເຮົາຈາກການຖືກທໍາລາຍ ເພື່ອຄົງຄວາມວ່ອງໄວຂອງສະໝອງເຮົາໄວ້ຄືເກົ່າໄດ້.
ເມນູງ່າຍໆ ໄກ້ໆໂຕ ຫາກິນໄດ້ທົ່ວໄປແບບນີ້ ທີ່ຊ່ວຍຄົງຄວາມອ່ອນເຍົາຂອງເຮົາ ທັງຜິວ ຜົມ ສາຍຕາ ລວມໄປເຖິງສະໝອງຂອງເຮົາໃຫ້ເບິ່ງຄືອ່ອນເຍົາ ແລະມີອາຍຸຍືນຍາວ.
Leave a comment