ຄຸນປະໂຫຍດຂອງໝາກເຜັດຫວານ ທີ່ມາພ້ອມກັບສີສັນທີ່ດຶງດູດໃຫ້ຢາກກິນ

ໝາກເຜັດຫວານ Sweet pepper ຈັດເປັນ ພືດຂ້າມປີ ແຕ່ນິຍົມປູກເປັນພືດລະດູດຽວ ການເຕີບໃຫຍ່ໃນໄລຍະທຳອິດ ຈະເຕີບໃຫຍ່ໃນແບບລຳຕົ້ນດ່ຽວ ເມື່ອຕິດດອກຊໍ່ທຳອິດຢູ່ຍອດແລ້ວ ຈາກນັ້ນກໍ່ຈະແຕກງ່າໃນແນວຕັ້ງ ເປັນສອງຫງ່າ ເຮັດໃຫ້ຈຳນວນງ່າເພີ່ມຫຼາຍຂຶ້ນ ຕະຫຼອດລະດູການຈະເຕີບໃຫຍ່ ແລະ ຜົນຜະລິດທີ່ໄດ້ແມ່ນຈະຂຶ້ນກັບຈຳນວນຫງ່າ ແລະຈຳນວນໝາກຕໍ່ຕົ້ນ ໃນຊ່ວງທຳອິດທີ່ຫງ່າເຕີບໃຫຍ່ເປັນຫງ່າອ່ອນ ຕໍ່ຈາກນັ້ນຈະປ່ຽນເປັນຫງ່າແກ່ ທີ່ມີຄວາມແຂັງແຮງ ແລະຫັກໄດ້ງ່າຍ ໂດຍມີຄວາມສູງຂອງຕົ້ນຢູ່ປະມານ 0,5 – 1,5 ແມັດ ມີຄວາມຈະເລີນພັນໃນແນວດິ່ງ ເລິກປະມານ 90 – 120 cm ຮາກຂອງແຈກອອກທາງຂ້າງປະມານ 50-60 cm ສຳລັບການປູກໝາກເຜັດຫວານນັ້ນ ຈະຂະຫຍາຍພັນໂດຍຜູ້ໃຊ້ເມັດ ຈະເຕີບໃຫຍ່ໃນດິນໃນສະພາບອາກາດອຸ່ນ ຄວາມຊື້ນຂອງອາກາດຕ່ຳ ອຸນຫະພູມທີ່ເໝາະສົມສຳລັບ ການຈະເລີນເຕີບໃຫຍ່ ຈະຢູ່ປະມານ 20-25 ອົງສາ ເຊວຊຽດສ.

          ສັບພະຄຸນຂອງໝາກເຜັດຫວານ.

1. ຊ່ວຍບຳລຸງທາດໃນຮ່າງກາຍ ແລະຊ່ວຍໃຫ້ຈະເລີນອາຫານ.
2. ສານ Capsaisin ຈະຊ່ວຍເພີ່ມອັດຕາການເຕັ້ນຂອງຫົວໃຈ ຊ່ວຍກະຕຸ້ນການເຮັດວຽກຂອງຕ່ອມນ້ຳລາຍ
3. ເມື່ອຮ່າງກາຍໄດ້ຮັບສານ Capsaisin ຮ່າງກາຍຈະສ້າງສານ Endorphins  ທີ່ຊ່ວຍໃນການຜ່ອນຄາຍຄວມຄຽດ
4. ໝາກເຜັດຫວານສາມາດຊ່ວຍຫຼຸດຄວາມດັນໂລຫິດໄດ້ ເພາະເຮັດໃຫ້ຫຼອດເລືອດອ່ອນໂຕ ແລະຊ່ວຍເຮັດໃຫ້ລະບົບການໄຫຼວຽນຂອງເລືອດເປັນໄປໄດ້ດ້ວຍດີ
5. ໝາກເຜັດຫວານມີສັບພະຄຸນຊ່ວຍແກ້ອາການວິນຫົນປວດຮາກ, ຊ່ວຍຂັບເຫື່ອ ແລະຊ່ວຍຂັບລົມ
6. ຊ່ວຍກະຕຸ້ນການເຮັດວຽກຂອງກະເພາະອາຫານ ເຮັດໃຫ້ລະບົບການຍ່ອຍອາຫານເຮັດວຽກໄດ້ດີຂຶ້ນ
7. ຊ່ວຍແກ້ຫິດ ແລະກາກເກື້ອນ

ປະໂຫຍດຂອງໝາກເຜັດຫວານ

ໝາກເຜັດຫວານມີລົດຊາດຫວານ ແລະບໍ່ເຜັດ ສາມາດນຳມາກິນສົດໃນສະຫຼັດ ຫຼືນຳມາຜັດກັບຜັກຊະນິດອື່ນໆ ຫຼືນຳມາໃຊ້ກັບເນື້ອສັດ ຍັດໄສ້ຊີ້ນໝູຊຸບແປ້ງທອດ ຫຼືນຳໄປອົບ ຫຼືໜຶ້ງກໍ່ໄດ້ ແລະທີ່ສຳຄັນທັງເດັກນ້ອຍ ແລະຜູ້ໃຫຍ່ສາມາດກິນໄດ້ ມີ່ສີສັນທີ່ດຶງດູດໃຫ້ຢາກກິນ ແຖມຍັງອຸດົມໄປດ້ວຍວິຕາມິນ ເອ, ວິຕາມິິນ ຊີ, ແຄວຊຽມ ຟັອສຟໍຣັສ ແລະໂພເທັກຊຽມສູງ ເຊິ່ງໝາກເຜັດຫວານສີເຫຼືອງມີວິຕາມິນຫຼາຍກວ່າໝາກເຜັດສີສົ້ມເຖິງ 4 ເທົ່າ

ໝາກເຜັດຫວານມີສານຕ້ານອານຸມູນອິດສະຫຼະ ຈຶ່ງຊ່ວຍໃນການປ້ອງກັນ ແລະຫຼຸດຄວາມສ່ຽງຂອງການເກີດໂລກມະເຮັງໄດ້.

ສານ Capsaisin ສາມາດຊ່ວຍຢຸດຢັ້ງອະນຸມູນອິດສະຫຼະໄດ້ ຈຶ່ງຊ່ວຍຫຼຸດຄວາມສ່ຽງຂອງການເກີດໂລກຫຼອດເລືອດ ແລະໂລກຕໍ້ກະຈົກ.

ສັ່ງຊື້ສິນຄ້າໄດ້ທີ່: ໝາກເຜັດຫວານ