ຄຸນປະໂຫຍດຂອງຜັກບົ້ງບໍ່ໄດ້ມີພຽງແຕ່ບຳລຸງສາຍຕາພຽງຢ່າງດຽວ ກົດອ່ານເລີຍ.....
ຜັກບົ້ງ ເປັນອາຫານເພື່ອສຸຂະພາບ ທີ່ທຸກຄົນຄຸ້ນເຄີຍ ແລະຮູ້ຈັກກັນດີ ເພາະມີສ່ວນຊ່ວຍໃນການບຳລຸງ ສາຍຕາໄດ້ເປັນຢ່າງດີ ແຕ່ຄວາມຈິງແລ້ວ ຜັກຊະນິດນີ້ຍັງມີປະໂຫຍດຫຼາຍກວ່ານັ້ນ ເພາະຜັກບົ້ງຍັງອຸດົມໄປດ້ວຍ ວິຕາມິນ ແລະແຮ່ທາດ ທີສຳຄັນຫຼາຍໆຢ່າງ.
ຜັກບົ້ງ 100 ກຣາມ ຈະໃຫ້ພະລັງງານເຖິງ 22 ກິໂລ ແຄລໍຣີ່ ແລະປະກອບໄປດ້ວຍເສັ້ນໃຍ ວິຕາມິນ ແລະແຮ່ທາດອື່ນໆ ເຊັ່ນ ວິຕາມິນເອ ວິຕາມິນຊີ ວິຕາມິນບີ 1 ວິຕາມິນບີ 2 ວິຕາມິນບີ 3 ແຄລຊຽມ ຟອສຟໍຣັສ ແລະທາດເຫຼັກ ເປັນຕົ້ນ ເຊິ່ງຜັກບົ້ງ ຈະມີວິຕາມິນຊີສູງ ແລະມີສັບພະຄຸນທາງຢາຫຼາຍ ຖ້າຫາກວ່າກິນແບບສົດໆ ໄດ້ກໍ່ຈະເຮັດໃຫ້ຄຸນຄ່າຂອງວິຕາມິນ ແລະແຮ່ທາດບໍ່ເສຍໄປກັບຄວາມຮ້ອນອີກດ້ວຍ
ແຕ່ມີຂໍ້ຍົກເວັ້ນຢູ່ບ່ອນວ່າ ຜູ້ບໍລິໂພກທີ່ເປັນໂລກຄວາມດັນໂລຫິດຕ່ຳ ຄວນຫຼີກລ່ຽງການກິນຜັກບົ້ງ ເນື່ອງຈາກຜັກບົ້ງ ມີຄຸນສົມບັດໃນການຫຼຸດຄວາມດັນໂລຫິດ ຈຶ່ງເຮັດໃຫ້ຄວາມດັນຕ່ຳລົງໄປອີກ ອາດຈະກໍ່ໃຫ້ເກີດ ການເປັນຕະຄິວໄດ້ງ່າຍ ແລະມັກຈະເກີດຂຶ້ນເລື້ອຍໆ ແຖມຍັງເຮັດໃຫ້ຮ່າງກາຍອ່ອນເພຍນຳ
27 ປະໂຫຍດທີ່ທ່ານອາດຈະຍັງບໍ່ຮູ້ກ່ຽວກັບຜັກບົ້ງ
- ຊ່ວຍບຳລຸງສາຍຕາ ຮັກສາອາການສາຍຕາສັ້ນ ຕາຕໍ້ ຕາຝ້າຟາງ ຕາແດງ ແລະອາການຄັນຕາເລື້ອຍໆ
- ມີສານຕ້ານອານຸມູນອິດສະຫຼະ ຈຶ່ງຊ່ວຍໃຫ້ຜິວພັນຜ່ອງໃສ ມີນ້ຳມີນວນ
- ຊ່ວຍປ້ອງກັນ ແລະຫຼຸດຜ່ອນໂອກາດໃນການເປັນໂລກມະເລັງ
- ເພີ່ມສັກກະຍະພາບໃນການບຳລຸງສະໝອງ ແລະເພີ່ມຄວາມສາມາດໃນການຈື່ຈຳ.
- ມີກາກໃຍຫຼາຍ ທີ່ຊ່ວຍໃນການຂັບຖ່າຍປ້ອງກັນການຖອກທ້ອງ.
- ບຳລຸງໂລຫິດ ແລະຊ່ວຍຮັກສາໂລກໂລຫິດຈາງ
- ສາມາດຫຼຸດນ້ຳຕານ ແລະຄໍເລສເຕີຣໍລ ໃນເລືອດ ຊ່ວຍຫຼຸດຜ່ອນໃນການເປັນໂລກເບົາຫວານ.
- ຊ່ວຍໃຫ້ຈະເລີນອາຫານ.
- ຊ່ວຍບຳລຸງຫົວໃຈ ຫຼູດການເກີດໄຂມັນອຸດຕັນໃນເສັ້ນເລືອດ ແລະຫົວໃຈວາຍ
- ມີແຄລໍຣີ່ຕ່ຳ ຈຶ່ງເໝາະສົມກັບຜູ້ທີ່ຕ້ອງການຫຼຸດນ້ຳໜັກ
- ຊ່ວຍບຳລຸງທາດ
- ຍອດຜັກບົ້ງຊ້ວຍແກ້ໂລກປະສາດໄດ້
- ຊ່ວຍແກ້ອາການເຫື່ອອອກຫຼາຍ
- ຊ່ວຍຫຼຸດຜ່ອນອາການເຈັບຫົວ ແລະອ່ອນເພຍ
- ຕົ້ນຂອງຜັກບົ້ງຊ່ວຍບຳລຸງກະດູກ ແລະແຂ້ວ
- ຜັກບົ້ງມີລົດເຢັນ ຈຶ່ງມີສັບພະຄຸນໃນການຖອນພິດເບື່ອເມົາ
- ຮາກຜັກບົ້ງມີລົດຊາດຈາງ ມີສັບພະຄຸນໃນການຖອນພິດ
- ຊ່ວຍຕໍ່ຕ້ານເຊື້ອແບັກທີເຣຍ
- ຊ່ວຍແກ້ອາການຟົກຊ້ຳ
- ດອກຂອງຜັກບົ້ງຍັງໃຊ້ເປັນຢາແກ້ອາການການເກື້ອນໄດ້
- ໃຊ້ຖອນພິດຈາກແມງໄມ້ ຫຼືສັດກັດ ຕອດ
- ແກ້ບາດແຜທີ່ມີໜອງ ໂດຍການນຳເອົາຕົ້ນມາຕົ້ມ ພໍນ້ຳອຸ່ນກໍ່ເອົາມາລ້າງບາດນັ້ນ
- ແກ້ພິດຂີ້ເຂັບກັດ ດ້ວຍການໃຊ້ຕົ້ນສົດ ແລະ ເກືອນຳມາຕຳແລ້ວທາບໍລິເວນທີ່ຖືກກັດ
- ໃຊ້ຮັກສາບາດແຜທີ່ຖືກໄຟໄໝ້ ນ້ຳຮ້ອນລວກໄດ້
- ຕົ້ນຜັກບົ້ງຊ່ວຍຫຼຸດອາການອັກເສບ ແລະອາການປວດບວມໄດ້
- ຊ່ວຍຂັບສານພິດອອກຈາກຮ່າງກາຍ
- ສາມາດໃຊ້ບຳບັດຮັກສາຜູ້ປ່ວຍ ທີ່ຕິດຢາເສບຕິດຫຼືຜູ້ທີ່ໄດ້ຮັບສານພິດຕ່າງໆໄດ້
ໃນສ່ວນຂອງຮາກຜັກບົ້ງ
ຮາກທີ່ເຮົາມັກຈະຕັດຖິ້ມ ກ່ອນຈະກິນກໍ່ມີສັບພະຄຸນທາງຢາ ໃຊ້ແກ້ໂລກຫອບຫືດ ບັນເທົາອາການໄອຊ້ຳເຮື້ອ ແລະຍັງຊ່ວຍຫຼຸດອາການຕົກຂາວໃນທ່ານຍິງອີກດ້ວຍ ນຳຮາກມາປະສົມກັບນ້ຳສົ້ມສາຍຊູ ຄັ້ນມາບ້ວນປາກ ຈະຊ່ວຍບັນເທົາອາການປວດຈາກແຂ້ວແມງໄດ້ອີກ
ໃນສ່ວນລຳຕົ້ນຂອງຜັກບົ້ງ
ມີສັບພະຄຸນເປັນຢາເຢັນ ຊ່ວຍໃນການດັບຮ້ອນ ແກ້ອາການຮ້ອນໃນ ແລະຍັງຊ່ວຍບຳລຸງໂລຫິດອີກດ້ວຍ ຫາກຕ້ອງການໃຊ້ໃນການຮັກສາບາດແຜຮ້ອນໃນພາຍໃນປາກໃຫ້ນຳຜັກບົ້ງ ກັບເກືອອົມໄວ້ໃນປາກ 2 ນາທີ ເຮັດ 2 ຄັ້ງຕໍ່ມື້.
Leave a comment