ຄຸນປະໂຫຍດຂອງກິມຈິ( Kimchi )

      ເປັນທີ່ຮູ້ຈັກກັນດີວ່າການເຮັດກິມຈິເປັນການດອງຜັກທີ່ຖືກຳເນີດຂຶ້ນໃນສະຕະວັດທີ 7 ຫຼື ຍ້ອນຫລັງໄປເຖິງເມື່ອ 2600 – 3000 ປີກ່ອນ ໃນຍຸກນັ້ນຊ່ວງລະດູໜາວປະເທດເກົາຫຼີ ຈະມີອາກາດທີ່ໜາວຈັດບໍ່ເໝາະສົມຕໍ່ການເພາະປູກ ຊາວເກົາຫຼີຈຶ່ງຄິດວິທີຖະໜອມອາຫານຂື້້ນມາ ເພື່ອທົດແທນຜັກສົດທີ່ຫາໄດ້ຍາກ.

          ກິມຈິ ເປັນອາຫານຂື້ນຊື່ຂອງເກົາຫຼີ ຕິດອັນດັບ 1 ໃນ 5 ຊອງອາຫານເພື່ອສູຂະພາບທີ່ດີທີ່ສຸດໃນໂລກ ມີມາຕັ້ງແຕ່ຮູ້ນບັນພະບູລຸດ ເຊີ່ງມີປະໂຫຍດຕໍ່ສຸຂະພາບ ແລະ ຄວາມງາມ ເກີດຈາກການນຳເອົາຜັກຕ່າງໆເຊັ່ນ: ກຸຍຊ່າຍ ຜັກກາດຂາວ ຫົວໄຊເທົ້າ ໝາກເຜັດແດງ ຫົວຫອມ ຂີງ ເກືອ ແລະ ນ້ຳຕານ ມາໝັກລວມກັນ ເຊິ່ງຄົນເກົາຫຼີຖືວ່າເປັນສິ່ງທີ່ຂາດບໍ່ໄດ້ໃນການຮັບປະທານອາຫານເຊິ່ງຂະຕ້ອງມີກິມຈິຢູ່ດ້ວຍທູກມື້ ໂດຍຊາວເກົາຫຼີຈະນຳກິມຈິໄປປູງເປັນສ່ວນປະກອບຂອງອາຫານດ້ວຍເຊັ່ນ: ໃສ່ໃນຕົ້ມໝີ່ ເຂົ້າຜັດກິມຈິ ໄຂ່ຂຽວກິມຈິ ຊຸບກິມຈິ ໝູຜັດກິມຈິ..... ກິມຈິ ຈະມີລົດເຜັດ ສົ້ມ ແລະ ມີກິ່ນສະເພາະໂຕ ແຕ່ປະກອບໄປດ້ວຍສານອາຫານທີ່ມີປະໂຫຍດຕໍ່ຮ່າງກາຍ ທີ່ສຳຄັນບໍ່ເຮັດໃຫ້ອ້ວນ ແລະ ຊ່ວຍໃຫ້ລະບົບການໝຸນວຽນຂອງເລືອດເຮັດວຽກເປັນປົກກະຕິ ເຮັດໃຫ້ຜິວພັນສົດໃສອີກດ້ວຍ.

          ເນື່ອງຈາກກິມຈິອູດົມໄປດ້ວຍ ໂປຣຕີນ ວິຕາມິນເອ(Vitamin A)   ໄທອະມິນບີ1(Thiamine (B1)) ໄຣໂບຟລາວິນບີ2(Riboflavin(B2)) ວິຕາມິນຊີ ແຄລຊ່ຽມ ທາດເຫຼັກ ແລະ ສານຄາໂຣທິນ(Carotene) ນອກຈາກນີ້ຍັງມີສັບພະຄຸນຊ່ວຍຍ່ອຍອາຫານ ສັບພະຄຸນຕ່າງໆໃນກິມຈິໄດ້ມາຈາກສ່ວນປະສົມຫຼັກທີ່ນຳມາຈາກຜັກຫຼາຍຊະນິດເຊີ່ງມີປະລິມານຂອງເສັ້ນໃຍສູງ ມີແຄຮໍລີຕ່ຳ ນອກຈາກນີ້ ຫົວຫອມ ກະທຽມ ແລະ ໝາກເຜັດ ທີເປັນເຄື່ອງປຸງໃນກິມຈິ ກໍ່ເປັນຜັກທີ່ມີປະໂຫຍດຕໍ່ສຸຂະພາບ ແລະ ກິມຈິຍັງມີບັກເຕີຣີ່ແລັກໂຕບາຊີລລັສ(Lactobacillus) ທີ່ໃຫ້ກົດແລກຕິກ(Lactic Acid) ທີ່ເກີດຈາກການໝັກອງຂອງກິມຈິໄປເປັນເວລາ 3 ອາທິດ ລະດັບຂອງວິຕາມິນບີ1 ວິຕາມິນບີ2 ແລະ ວິຕາມິນບີ12 ກໍ່ຈະເພີ່ມຂຶ້ນເປັນ 2 ເທົ່າ.

          ກົດແລກຕິກຈະຊ່ວຍຍັບຍັ້ງບັກເຕີຮີ່ທີ່ບໍ່ດີ ບໍ່ໃຫ້ຈະເລີນເຕີບໂຕພາຍໃນລຳໄສ້ຂອງເຮົາ ແລະ ຍັງມີໜ້າທີ່ປ້ອງກັນໂລກຕ່າງໆໄດ້ອີກ ເຊັ່ນ: ໂລກອ້ວນ ໂລກມະເຮັງກະເພາະອາຫານ ແລະ ບັກເຕີຣີ່ຕົວນີ້ເອງ ທີ່ເຮັດໃຫ້ກິມຈິມີລົດສົ້ມຄືກັນກັບໃນໂຍເກີດ ແຕ່ໂຍເກີດທີ່ວ່າມີກົດແລກຕິກຢູ່ ຍັງສູ້ກິມຈິບໍ່ໄດ້ເລີຍ ໃນກິມຈິມີຫຼາຍກວ່າເຊີ່ງຊ່ວຍໃນເລື່ອງການຂັບຖ່າຍໄດ້ເປັນຢ່າງດີ ຊ່ວຍຢັບຢັ້ງອາການທ້ອງຜູກ ແລະ ມະເຣັງລຳໄສ້ ສ່ວນໃນໝາກເຜັດກັບກະທຽມຈະຊ່ວຍໃນເລື່ອງການປ້ອງກັນການຈັບຕົວກັນເປັນກ້ອນຂອງເລືອດ ແລະ ການລົດຄໍເລສເຕີຣໍ(Cholesterol)ໃນເລືອດອີກດ້ວຍ.