ກິນຫົວສີໄຄ ຊ່ວຍໃຫ້ຫ່າງໄກຈາກໂລກມະເລັງ

ຫົວສີໄຄ ເປັນພືດທີ່ມີມາແຕ່ສະໄໝບູຮານ ສະລະພັດອາຫານລ້ວນແຕ່ໃຫ້ຫົວສີໄຄເປັນສິ່ງດັບກິ່ນຄາວ ແລະເພີ່ມລົດຊາດໃຫ້ກັບອາຫານ ແຕ່!! ຮູ້ຫຼືຍັງວ່ານອກຈາກກິ່ນຫອມ ຫົວສີໄຄຍັງມີສັບພະຄຸນທາງຢາອີກນາໆປະການ.

ທຸກສ່ວນຂອງຫົວສີໄຄເປັນຢາ

            ການພັດທະນາທາງກາດແພດ ໄດ້ສະຫຼຸບສັບພະຄຸນຂອງຫົວສີໄຄທີ່ເປັນຢາຮັກສາໂລກມາແຕ່ບູຮານດັ່ງນີ້:

ໃບ ຊ່ວຍຫຼຸດຄວາມດັນໂລຫິດ ແກ້ໄຂ້

ລຳຕົ້ນ ແກ້ອາການເບື່ອອາຫານ ຊ່ວຍຂັບລົມ ຂັບຍ່ຽວ ບັນເທົາໂລກໃນລະບົບທາງເດີນຍ່ຽວ

ຫົວ ຮັກສາໂລກເກື້ອນ ແກ້ທ້ອງອຶດ ທ້ອງເຟິ້ ແກ້ອາການຂັດເບົາ ຫຼຸດຄວາມດັນໂລຫິດ

ຮາກ ແກ້ໄຂ້ ບັນເທົາອາການເຈັບທ້ອງ ແລະທ້ອງເສຍ

ນ້ຳມັນຫົວສີໄຄຂ້າເຊື້ອໂລກ ຫຼຸດໄຂມັນ

Journal of antibacterial and Antifungal Agents ຕີພິມງານວິໄຈເຊິ່ງຄົ້ນພົບວ່າ ເມື່ອນຳຫົວສີໄຄມາຜ່ານຂະບວນການສະກັດນ້ຳມັນຈົນໄດ້ນ້ຳມັນຫອມລະເຫີຍ ນ້ຳມັນຫອມລະເຫີຍດັ່ງກ່າວຈະມີລິດຢັບຢັ້ງການຈະເລີນເຕີບໂຕຂອງເຊື້ອແບັກທີເຣຍ ອີໂຄໄລ (E.coli) ທີ່ເປັນສາເຫດໜຶ່ງຂອງອາການອາຫານເປັນພິດ

            ທັງມີລາຍງານຈາກວາລະສານ Phytotherapy Research ລະບຸວ່າ ນ້ຳມັນຫອມລະເຫີຍຫົວສີໄຄສາມາດຕ້ານເຊື້ອລາທີ່ເຮັດໃຫ້ເກີດໂລກຜິວໜັງ ເຊັ່ນ: ກາກ, ເກື້ອນ ໄດ້ອີກດ້ວຍ.

            ບໍ່ພຽງແຕ່ເທົ່ານີ້ ນັກວິໄຈຈາກມະຫາວິທະຍາໄລວິສຄອນຊິນ (University of Wisconsin) ປະເທດສະຫະລັດອາເມລິກາຍັງນຳນ້ຳມັນຫອມລະເຫີຍຫົວສີໄຄ ມາບັນຈຸໃນແຄັບຊູນຂະໜາດ 140 ມິນລີກຣາມ ແລະທົດລອງໃຫ້ຜູ້ປ່ວຍທີ່ມີຄໍເລສເຕີຣໍສູງກິນ ຫຼັງຈາກນັ້ນ 90 ມື້ ພົບວ່າຜູ້ປ່ວຍທີ່ກິນແຄັບຊູນ້ຳມັນຫອມລະເຫີຍຫົວສີໄຄມີລະດັບຄໍເລສເຕີຣໍຫຼຸດລົງ.

ຫົວສີປ້ອງກັນໂລກມະເລັງລູກລາມ

            ມະເລັງລຳໄສ້ໃຫຍ່ ບໍ່ລຸກລາມເພາະສັບພະຄຸນຂອງຫົວສີໄຄ

            ຈາກການທົດລອງຂອງສາດສະດາຈານທີ່ມີຊື່ສຽງ ໂດຍການທົດລອງເອົາໜູຂາວທີ່ເປັນມະເຮັງລຳໄສ້ໃຫ້ ຊຶ່ງມີເຊວມະເລັງຂະໜາດໃຫຍ່ ແລະກຳລັງລຸກລາມ ຮັບສານສະກັດຈາກຫົວສີໄຄ ຫຼັງຈາກນັ້ນຈຶ່ງວັດແທກຈຳນວນເຊວມະເຮັງໃນໜູທົດລອງ ປາກົດວ່າໜູທົດລອງມີຈຳນວນເຊວກໍ່ມະເລັງຫຼຸດລົງເຖິງ 60% ແລະບໍ່ເກີດການລຸກລາມ.

            ທັງນີ້ຂໍ້ມູນດັ່ງກ່າວຈະນຳໄປໃຊ້ວິໄຈຕໍ່ຍອດເພື່ອຫາປະລິມານບໍລິໂພກທີ່ເໝາະສົມສຳລັບມະນຸດຕໍ່ໄປ ເລືອກ ແລະເກັບຄວາມສົດ ເລີ່ມຈາກການເລືອກຫົວສີໄຄສົດ ໂດຍສັງເກດຈາກຜິວກາບດ້ານນອກຄວນມີຄວາມສົດ ບໍ່ແຫ້ງ ຈັບແລ້ວມີນ້ຳໜັກ ຫາກໃຊ້ບໍ່ໝົດຄວນເກັບຫົວສີໄຄໄວ້ໃນຖົງພລາສຕິກ ຫໍ່ດ້ວຍອັນແພັກອາຫານ ໃສ່ກ່ອງພລາສຕິກແລ້ວເກັບໄວ້ໃນຕູ້ເຢັນ ດ້ວຍວິທີນີ້ສາມາດຄົງຄວາມສົດໄວ້ໄດ້ດົນເຖິງ 2-3 ອາທິດ.