ກ້ວຍເຊື່ອມກະທິໝາກພ້າວອ່ອນ

ສ່ວນຜະສົມ:

- ກ້ວຍນ້ຳວ້າເຫີ່ມໆ (ໝ່ວຍໃຫ່ຍ ຫຼືນ້ອຍຕາມມັກ).

- ຫົວກະທິສົດ 200ກລາມ.

- ນ້ຳຕານໝາກພ້າວ 100ກລາມ.

- ໝາກພ້າວອ່ອນ 1ໝ່ວຍ.

- ເກືອປົ່ນໝ້ອຍໝື່ງ.

- ແປ້ງສາລີນ້ຳໃບເຕີຍຄັ້ນ (ໃສ່ ຫຼືບໍ່ໃສ່ຕາມຄວາມມັກ).

ວິທີເຮັດ:

1,ປອກກ້ວຍລ້າງດ້ວຍນ້ຳເກືອ (ຊອຍ ຫຼືບໍ່ຊອຍຕາມຄວາມມັກ).

2,ນຳໄປປີ້ງ ຫຼືອົບຈົນສຸກ (ສຸກໝ້ອຍ ຫຼືສຸກຫຼາຍຕາມຄວາມມັກ).

3,ນຳໃສ່ຖົງຢາງຊະນິດຮ້ອນແລ້ວບີບ ຫຼືທັບໃຫ້ເເບນຕາມຄວາມມັກ.

4,ເທຫົວກະທິໃສ່ໝໍ້ແລ້ວນຳໄປຕັ້ງເທິງເຕົາໄຟ ໃສ່ນ້ຳຕານລົງໄປແລ້ວຄົນໃຫ້ນ້ຳຕານລະລາຍ.

5,ໃສ່ເກືອປົ່ນລົງໄປຊິມລົດຕາມຄວາມມັກ.

6,ໃສ່ເນື້ອໝາກພ້າວອ່ອນລົງໄປ ຖ້າໃຫ້ຟົດແລ້ວປິດໄຟນຳລົງຈາກເຕົາໄຟ.

7,ຈັດກ້ວຍທີ່ກຽມໄວ້ໃສ່ຈານລາດດ້ວຍນ້ຳເຊື່ອມ ຫຼືຈະແຊ່ໃນນ້ຳເຊື່ອມກໍ່ໄດ້.

8,ຖ້າມັກໃບເຕີຍໃຫ້ໃສ່ໃນຂັ້ນຕອນໃສ່ໝາກພ້າວອ່ອນ.

ເລືອກຊື້ສີນຄ້າອອນລາຍໄດ້ທີ່: www.Shopping-d.com