ໂປຣຕີນ 11 ຊະນິດ ທີ່ຊ່ວຍເສີມສ້າງກ້າມເນື້ອໄດ້ດີທີ່ສຸດ

ໜຸ່ມໆຫຼາຍໆຄົນຄົງຮູ້ກັນດີຢູ່ແລ້ວວ່າໂປຣຕີນເປັນສານອາຫານທີ່ຈຳເປັນຕໍ່ຮ່າງກາຍໃນການສ້າງ ແລະຟື້ນຟູກ້າມເນື້ອ ແຕ່ອາດຈະຍັງບໍ່ຮູ້ວ່າມີໂປຣຕີນຕ່າງໆ ມາຈາກອາຫານປະເພດໃດແດ່ ແລະໂປຣຕີນແຕ່ລະຊະນິດໃຫ້ຜົນຕໍ່ຮ່າງກາຍຈັ່ງໃດ ໂດຍມື້ນີ້ເຮົາມີຂໍ້ມູນດີໆ ມີປະໂຫຍດກ່ຽວກັບໂປຣຕີນ 11 ຊະນິດ ຈາກເວັບໄຊ mensfitness ມາຝາກກັນ.

ເວໂປຣຕີນ Whey Protein.

ເວໂປຣຕີນຄື 1 ໃນ 2 ຂອງໂປຣຕີນທີ່ເຫັນໄດ້ຢູ່ໃນນົມ ອີກຊະນິດໜຶ່ງຄື ຄາເຊອິນ ໂປຣຕີນມີປະລິມານ 20% ທີ່ເຫັນຢູ່ໃນນົມ ເຖິງວ່າຈະມີຢູ່ໜ້ອຍ ແຕ່ປະໂຫຍດຂອງມັນມີຫຼາຍ ເພາະຮ່າງເມື່ອຮັບເວໂປຣຕີນເຂົ້າໄປ ຈະຖືກຍ່ອຍສະຫຼາຍງ່າຍ ແລະຊຶມຊັບເຂົ້າສູ່ກະແສເລືອດ ໄດ້ຢ່າງໄວວາ ຊຶ່ງຈຳເປັນຕໍ່ຮ່າງກາຍຫຼາຍໃນການສ້ອມແຊມ ແລະເສີມສ້າງກ້າມເນື້ອ ພາຍໃນຫຼັງຈາກການອອກກຳລັງກາຍ ເພາະໃນເວໂປຣຕີີນອຸດົມໄປດ້ວຍກລູຕາມິນ ຊຶ່ງເປັນກົດອະມິໂນ ທີ່ພົບຫຼາຍທີ່ສຸດໃນກ້າມເນື້ອທີ່ຈະຊ່ວຍໃຫ້ປ້ອງກັນກ້າມເນື້ອບໍ່ໃຫ້ເກີດອັກເສບລະຫວ່າງອອກກຳລັງກາຍ ທັງນີ້ ເວໂປຣຕີນສາມາດພົບໄດ້ໃນຣີຄອດຕ້າຊີດອີກດ້ວຍ.

ຄາເຊອິນ ໂປຣຕີນ

ຄາເຊອິນ ໂປຣຕີນ ຄືໂປຣຕີນຊະນິດໜຶ່ງທີ່ພົບເຫັນໃນນົມເຖິງ 80 % ເຖິງວ່າຈະພົບໄດ້ຫຼາຍກວ່າ ເວໂປຣຕີນ ແຕ່ຄຸນສົມບັດຕ່າງກັນ ເພາະຄາເຊອິນ ໂປຣຕີນ ຍ່ອຍຊ້າກວ່າຫຼາຍເທົ່າ ແຕ່ນັ້ນກໍ່ເປັນປະໂຫຍດຕໍ່ຮ່າງກາຍເຊັ່ນກັນ ເພາະມັນຈະຄ່ອຍໆ ເພີ່ມຄວາມສົມດຸນລະຫວ່າງການຟື້ນຟູ ແລະສ້າງກ້າມເນື້ອ ນອກຈາກນີ້ແລ້ວ ຍັງມີການວິໄຈອອກມາວ່າການບໍລິໂພກຄາເຊອິນ ໂປຣຕີນ ກ່ອນຈະເຫັນຜົນລັບດີທີ່ສຸດ.

ໂປຣຕີນຈາກຊີ້ນໄກ່.

ຊີ້ນໄກ່ທີ່ເຮົາກິນຢູ່ທຸກມື້ນັ້ນ ເປັນແຫຼ່ງກຳເນີດຊັ້ນດີ ຂອງກົດອາມີໂນທີ່ຈຳເປັນຕ່າງໆ ໃນຮ່າງກາຍ ໂດຍການກິນເອິກໄກ່ ໜຶ່ງຕ່ອນຈະໄດ້ຮັບໂປຣຕີນ 54 ກຣາມ ແລະກົດອະມີໂນລິວຊິນ 4 ກຣາມ ກົດອະມີໂນລິິວຊິນຈະເຮັດໜ້າທີ່ຢັບຢັ້ງການສະຫຼາຍຕົວຂອງກ້າມເນື້ອ ເລັ່ງການຍ່ອຍອາຫານໃຫ້ໄວຂຶ້ນ ແລະເພີ່ມພະລັງງານໃນການອອກກຳລັງກາຍ ນອກຈາກເອິກໄກ່ແລ້ວ ສ່ວນຕົ້ນຂາຂອງໄກ່ກໍໃຫ້ໂປຣຕີນຄ້າຍໆກັນ ແຕ່ຈະໄດ້ລົດຊາດທີ່ບໍ່ຄືກັນ ເນື່ອງຈາກລະດັບຂອງໄຂມັນໃນຊີ້ນໄກ່ແຕ່ລະສ່ວນມີບໍ່ເທົ່າກັນ.

ໂປຣຕີນຖົ່ວ.

ໂປຣຕີນຖົ່ວເປັນໂປຣຕີນອີກຢ່າງໜຶ່ງທີ່ຍ່ອຍໄດ້ງ່າຍ ໂດຍພາຍໃນມີສານເສີມສ້າງກ້າມເນື້ອລະດັບສູງ ທີ່ຈຳເປັນເຊັ່ນ ກົດມະມີໂນ ກລູຕາມິນ ແລະກົດອະມີໂນ BCAA (Branched-Chain Amino Acids) ເປັນຕົ້ນ ຢ່າງໃດກໍຕາໂປຣຊະນິດນີ້ ບໍ່ມີສານທີ່ຄອຍຢັບຢັ້ງການດູດຊຶມວິຕາມິນ ແລະແຮ່ທາດໃນລະຫວ່າງການຍ່ອຍອາຫານ ຊຶ່ງໃນໂປຣຕີນຖົ່ວຈະພົບກົດອະມີໂນອາຈີນິນ ເປັນຈຳນວນຫຼາຍ ຊຶ່ງເປັນກົດອະມິໂນ ຈຳເປັນຕໍ່ຮ່າງກາຍໃນການສ້າງກ້າມເນື້ອອີກດ້ວຍ

ໂປຣຕີນຖົ່ວເຫຼືອງ

ໂປຣຕີນປະເພດນີ້ ສະກັດມາຈາກຖົ່ວເຫຼືອງທີ່ມີກົດອະມີໂນກລູຕາມິນ ອາຈີນິນ ອາລີນ ໄອໂຊລິວຊິນ ແລະລິວຊິນ ທີ່ມີຄວາມສາມາດໃນການສ້າງກ້າມເນື້ອ ຄ້າຍໆກັບເວໂປຣຕີນ ແຕ່ຈະພົບລິວຊິນໜ້ອຍກວ່າ ປະມານ 15 % ແຫຼ່ງທີ່ພົບໄດ້ທົ່ວໄປຂອງໂປຣຕີນຖົ່ວເຫຼືອງຄື ເຕົ້າຮູ້ ຖົ່ວແຣະ ແລະອາຫານເສີມໂປຣຕີນຈາກຖົ່ວເຫຼືອງ ຢ່າງໃດກໍຕາມຄຸນສົມບັດໃນການສ້າງຮໍໂມນເອສໂຕເຈນຈະຫາຍໄປໃນຂັ້ນຕອນການຜະລິດ ອາຫານເສີມຈາກຖົ່ວເຫຼືອງ ຊຶ່ງເປັນຮໍໂມນທີ່ຊ່ວຍປ້ອງກັນໂລກລະບົບຫຼອດເລືອດ ແລະຫົວໃຈ ໂດຍຢັບຢັ້ງການຈັບໂຕຂອງເມັດເລືອດ.

ໂປຣຕີນຈາກຊີ້ນງົວ

ຊີ້ນງົວເປັນອາຫານທີ່ພົບໂປຣຕີນ ແລະມີກົດອະມີໂນຫຼາຍເຖິງ 8 ຊະນິດ ໄດ້ແກ່ ໄປໂຊລິວຊິນ ລິວຊິນ ໄລຊິນ ເມທິໂອນິນ ຟີນິລລານິນ ທຣີໂອນິນ ທຣິບໂຕຟານ ແລະ ວາລິນ ນອກຈາກນີ້ແລ້ວຍັງມມີສານອາຫານຫຼັກໆ ທີ່ຊ່ວຍສ້າງກ້າມເນື້ອ ເຊັ່ນສານຄຣີເອທີນ ແລະແຮ່ທາດສັງກະສີ ບໍ່ພຽງແຕ່ເທົ່ານັ້ນ ຊີ້ນງົວທີ່ລ້ຽງດ້ວຍຫຍ້າມີໄຂມັນໂອເມກ້າ 3 ຫຼາຍກວ່າຊີ້ນງົວທຳມະດາ ຊຶ່ງມີຜົນດີຕໍ່ສະໝອງ ການໄຫຼວຽນຂອງເລືອດ ແລະປ້ອງກັນການອັກເສບຂອງເຊລພາຍໃນຮ່າງກາຍອີກດ້ວຍ

ໂປຣຕີນຈາກເມັດຄວີນົວ (Quinoa)

ເມື່້ອເບິ່ງຈາກພາຍນອກຈະມີຮູບຮ່າງຄ້າຍເຂົ້າສາລີ ໃນເມັດຄວີນົວ ມີກົດອະມີໂນທີ່ຮ່າງກາຍບໍ່ສາມາດສ້າງເອງໄດ້ ຄົບທັງ 9 ຊະນິດ ຊຶ່ງ 8 ຊະນິດຄ້າຍວ່າຈະໄດ້ຈາກຊີ້ນງົວ ອີກຊະນິດໜຶ່ງຄື ຮີສຕີດິນ ທີ່ຈຳເປັນຕໍ່ລະບົບປະສາດ ເມື່ອນຳມາປຽບທຽບກັບເຂົ້າກ້ອງໃນປະລິມານທີ່ເທົ່າກັນ ເມັດຄວີນົວຈະໃຫ້ໂປຣຕີນຫຼາຍກວ່າ 3 ກຣາມ.

ໂປຣຕີນໃນຊີ້ນປາເຊວມອນ.

ເຖິງວ່າໂປຣຕີນໃນຊີ້ນປາເຊວມອນຈະມີໜ້ອຍກວ່າ ຊີ້ນໄກ່ ຊີ້ນງົວ  ຫຼືຊີ້ນໄກ່ງວງ ແຕ່ຊີ້ນປາເຊວມອນມີໄຂມັນໂອເມກ້າ 3 ທີ່ປະກອບໄປດ້ວຍກົດ EPA ແລະ DHA ຫຼາຍກວ່າ ທັງນີ້ການເລືອກກິນເຊວມອນມີຄວາມສຳຄັນເຊັ່ນກັນ ເພາະເຊວມອນທີ່ຖືກໃນຟາມຈະມີໄຂມັນໂອເມກ້າ 6 ຫຼາຍກວ່າ ແຕ່ມີໂອເມກ້າ 3 ໜ້ອຍກວ່າປາເຊວມອນທີ່ຕົກຈາກນ້ຳໂດຍກົງ.

ໂປຣຕີນໄຂ່ໄກ່

ຈາກການວິໄຈ ພົບວ່າໂປຣຕີນໄຂໄກ່ຊ່ວຍໃຫ້ລະບົບກາດດູດຊຶມສານອາຫານໃນຮ່າງກາຍມີປະສິດທິພາບຫຼາຍຂຶ້ນ ໂດຍການກິນໄຂ່ໄກ່ ຄວນກິນທັງໄຂ່ໄກ່ແດງ ແລະໄຂ່ໄກ່ຂາວ ເພາະໃນໄຂ່ໄກ່ໜຶ່ງໜ່ວຍປະກອບໄປດ້ວຍກົດອະມີໂນ BCAA ຢູ່ 1,3 ກຣາມ ແລະກົດອະມີໂນລິວຊິນ 0,5 ກຣາມ ຊຶ່ງມີຫຼາຍກວ່າແຫຼ່ງອາຫານປະເພດອື່ນທີ່ໃຫ້ໂປຣຕີນໃນອັດຕາສ່ວນທີ່ເທົ່າກັນ ນອກເໜືອຈາກໂປຣຕີນແລ້ວ ໄຂ່ໄກ່ຍັງມີວິຕາມິນດີ ແລະຄໍເລສຕໍລໍ ເຊິ່ງຊ່ວຍການເສີມສ້າງກ້າມເນື້ອ ທັງນີ້ຫາກມື້ໃດມີການກິນໄຂ່ ຄວນຫຼີກລ່ຽງອາຫານທີ່ມີຄໍເລັດເຕີຣໍສູງ ເຊັ່ນເຄື່ອງໃນສັດ, ປາໝຶກ, ກຸ້ງ, ໜັງເປັດ ແລະໜັງໄກ່ ເປັນຕົ້ນ ເພາະໃນໄຂ່ໄກ່ 1 ໜ່ວຍມີຄໍເລສເຕີຣໍຢູ່ແລ້ວ 210 ມິນລີກຣາມ ຊຶ່ງຂະນະທີ່ຮ່າງກາຍເຮົານັ້ນຕ້ອງການພຽງແຕ່ 300 ມິນລີກຣາມຕໍ່ມື້.

ໂປຣຕີນໃນເຂົ້າກ້ອງ

ເຂົ້າກ້ອງທີ່ຫຸງສຸກແລ້ວຈະມີໂປຣຕີນ 5 ກຣາມຕໍ່ 1 ຖ້ວຍ ເມື່ອທຽບກັບແຫຼ່ງອາຫານຈຳພວກພືດດ້ວຍກັນແລ້ວ ເຂົ້າກ້ອງມີສານອາຫານຈຳພວກວິຕາມິນບີ ທາດເຫຼັກ ເກືອແຮ່ ແລະແຄລຊຽມ ຫຼາຍເປັນອັນດັບ 2 ຕໍ່ຈາກເມັດຄວີນົວ ເທົ່ານັ້ນ ເພາະໃນເຂົ້າກ້ອງບໍ່ມີກົດອະມີໂນ ໄລຊິນພຽງຊະນິດດຽວ ແລະມີຜົນການສຶກສາຈາກມະຫາວິທະຍາໄລເທມປາ ປະເທດສະຫະລັດ ອາເມລິກາ ພົບວ່າໂປຣຕີນຈາກເຂົ້າຊະນິດຕ່າງໆ ຈະໃຫ້ປະໂຫຍດຄືກັບເວໂປຣຕີນ ເມື່ອກິນຫຼັງຈາກອອກກຳລັງກາຍສຳເລັດ.

ໂປຣຕີນຈາກຊີ້ນໄກ່ງວງ.

ຊີ້ນໄກ່ງວງມີສີຂາວມີໄຂມັນໃນໂປຣຕີນໜ້ອຍທີ່ສຸດ ໂດຍມີໂປຣຕີນຫຼາຍເຖິງ 32 ກຣາມ ຕໍ່ການກິນຊີ້ນໄກ່ງວງ 100 ກຣາມ ລວມເຖິງວິຕາມິນ ບີ 3 ທີ່ຊ່ວຍຄວບຄຸມໄຂມັນໃນຮ່າງກາຍ ວິຕາມິນບີ 6 ຊ່ວຍຮັກສາລະດັບນ້ຳຕານໃນເລືອດໃຫ້ຄົງທີ່ ແລະມີແຮ່ທາດຊີລີນຽມຈຳນວນຫຼາຍ ຊື່ງເປັນແຮ່ທາດສຳຄັນທີ່ຊ່ວຍປ້ອງກັນບໍ່ໃຫ້ເກີດໂລກມະເລັງອີກດ້ວຍ