ວິທີການບໍລິຫານເວລາທີ່ດີ

ຄົນເຮົາທຸກຄົນມື້ໝື່ງມີເວລາເທົ່າກັນມື້ລະ 24 ຊມ ພຽງແຕ່ເຮົາສາມາດໃຊ້ 24 ຊມ ເຮັດໃຫ້ເກີດປະໂຫຍດແກ່ໂຕເຮົາເອງ ຫຼື ບ່ອນເຮັດວຽກປະຈຳໄດ້ຫຼາຍໝ້ອຍເທົ່າໃດ ການບໍລິຫານເວລາຄືການທີ່ເຮົາຈະຈັດການສຶ່ງຕ່າງໆ ພາຍໃນເວລາທີມີຢູ່ໃຫ້ສຳເລັດລຸລ່ວງໄປໄດ້ດ້ວຍດີ. ແຕ່ໃຊ້ເວລາໃຫ້ໝ້ອຍທີ່ສຸດແລະກໍ່ໃຫ້ມີປະສິດທິພາບຫຼາຍທີ່ສຸດ ຖ້າເຮົາບໍລິຫານເວລາທີ່ມີຢູ່ພາຍໄຕ້ເວລາຈຳກັດນີ້ໃຫ້ດີກໍ່ຈະເຮັດໃຫ້ເຮົາມີເວລາເຫຼືອຫຼາຍຂື້ນ ຖ້າເວລາເຫຼືອຫຼາຍເຮົາກໍ່ສາມາດເອົາເວລາທີ່ເຫຼືອໄປເຮັດກິດຈະກຳກັບຄອຍຄົວ ຫຼື ຜັກຜ່ອນຍ່ອນໃຈໄດ້ຫຼາຍຂື້ນ. ເພື່ອເປັນການລົດຄວາມຄຽດແລະຄວາມວິຕົກກັງວົນ ເພາະວ່າເວລາທີ່ເຮົາເຮັດວຽກບໍສຳເລັດຫຼືມີວຽກຄ້າງຫຼາຍກໍ່ຈະເຮັດໃຫ້ເກີດຄວາມຄຽດແລະຄວາມວິຕົກກັງວົນ ຖ້າເຮົາໃຊ້ທຸກວິນາທີໃຫ້ເປັນປະໂຫຍດໃຊ້ເວລາເຮັດວຽກໄດ້ຢ່າງມີເປົ້າໝາຍມີການວາງແຜນກໍ່ຈະເຮັດໃຫ້ເຮົາຮູ້ສືກວ່າເຮົາບໍ່ໄດ້ເສຍເວລາໄປລ້າໆເປັນເລື່ອງສຳຄັນຂອງການບໍລິຫານເວລາ.

ວິທີການບໍລິຫານເວລາມີດັ່ງນີ້:

• ໄປຮອດບ່ອນເຮັດວຽກແຕ່ເຊົ້າ ຈະເຮັດໃຫ້ເຮົາມີເວລາຕຽມການໄດ້ດີ ມີສະມາທິເຮັດວຽກໄດ້ດີຂື້ນ ແລ້ວກໍ່ໄດ້ເວລາເຮັດວຽກຫຼາຍຂື້ນ.
• ຂຽນສຶ່ງທີ່ຕ້ອງເຮັດເພື່ອບັນທືກ ພ້ອມກັບການຈັດສັນເວລາແລ້ວກໍ່ຈັດລຳດັບຄວາມສຳຄັນຂອງກິດຈະກຳໄປນຳ ແລະ ລະບຸເວລາວ່າຈະເຮັດຫຍັງໃຊ້ເວລາເທົ່າໃດອາດຈະເປັນຊ່ວງແລກໆ ຂອງຄົນທີ່ຍັງບໍ່ຄ່ອຍຄຸ້ນເຄີຍກັບການບໍລິຫານເວລາແຕ່ຖ້າຄົນທີ່ຄຸ້ນເຄີຍແລ້ວອາດຈະບໍ່ຕ້ອງບັນທືກແລ້ວກໍ່ໄດ້.
• ຈັດໂຕະເຮັດວຽກໃຫ້ເປັນລະບຽບເຮົາຈະຈັບອຸປະກອນເຄື່ອງໃຊ້ຕ່າງໆມາໃຊ້ກໍ່ສະດວກວ່ອງໄວ.
• ເລື່ອງປະຊຸມເປັນເລື່ອງທີ່ຫຼີກລ້ຽງບໍ່ໄດ້ແລ້ວເປັນເລື່ອງທີ່ບາງເທື່ອເສຍເວລາຫຼາຍ ຖ້າບອ່ນປະຊຸມບໍ່ຄຸມເວລາໃຫ້ດີທ່ານທີ່ເປັນຫົວໝ້າງານຕ້ອງໃຫ້ຄວາມສຳຄັນຢ່າງຫຼາຍ ວ່າມັນບໍ່ໄດ້ກິນເວລາສະເພາະຂອງທ່າານມັນກິນເວລາຂອງຜູ້ເຂົ້າຮ່ວມປະຊຸມຂອງລູກນ້ອງທ່ານນຳຕ້ອງໃຊ້ເວລາປະຊຸມໃຫ້ໝ້ອຍທີ່ສຸດຖ້າປະເດັນທີ່ບໍ່ກ່ຽວຄ້ອງກໍ່ບໍ່ຄວນເອົາມາເວົ້າໃນກອງປະຊຸມ.
• ການແບ່ງວຽກອອກເປັນສ່ວນ ຄືວຽກບາງຄັ້ງມັນເປັນວຽກໃຫ່ຍຈຳເປັນຕ້ອງແບ່ງອອກເປັນສ່ວນຍ່ອຍ ແລ້ວກໍ່ແບ່ງອອກໄປໃຫ້ຄົນອື່ນເຮັດນຳ ຈະຊ່ວຍໃຫ້ການເຮັດວຽກນັ້ນມີປະສິດທິພາບຫຼາຍຂື້ນ.
• ເມື່ອພ້ອມແລ້ວໃຫ້ລົງມືເຮັດວຽກທັນທີແລະຍ່າຫວັງວ່າວຽກຕ້ອງສົມບູນແບບ 100% ແຕ່ໃຫ້ເລີ່ມລົງມືເຮັດໃຫ້ໄວທີ່ສຸດເທົ່າທີ່ຈະເປັນໄປໄດ້.
• ປະຈຸບັນເປັນຍຸກທີ່ມີເທັກໂນໂລຍີຫຼາຍໆຢ່າງເຂົ້າມາຊ່ວຍໃນການເຮັດວຽກບໍ່ວ່າຈະເປັນເລື່ອງຄອມພີວເຕີ,ໂທລະສັບ, ການໃຊ້ບັດເຄດິດອື່ນໆ ກໍ່ຊ່ວຍໃຫ້ເຮົາປະຫຍັດເວລາໄດ້ຫຼາຍຂື້ນ.

ການທີ່ເຮົາສາມາດມອບໝາຍວຽກໃຫ້ຄົນອື່ນເຮັດຈະເປັນການປະຫຍັດເວລາໃນການເຮັດວຽກ ເປັນວິທີການໃນເລື່ອງຂອງການບໍລິຫານເວລາທີ່ມີຢູ່ຢ່າງຈຳກັດໃຫ້ເກີດປະໂຫຍດຫຼາຍທີ່ສຸດແລ້ວເຮົາຈະມີເວລາຜັກຜ່ອນ ຫຼື ເອົາເວລານັ້ນໄປເຮັດຢ່າງອື່ນໃຫ້ຊີວິດເກີດຄວາມສົມດຸນ  ບໍ່ໄດ້ເຮັດວຽກແຕ່ຢ່າງດຽວໂດຍຊີວິດແທບຈະບໍ່ໄດ້ເຮັດຢ່າງອື່ນເລີຍ.