10 ຄຸນປະໂຫຍດຈາກນໍ້າອ້ອຍເຄື່ອງດື່ມຈາກທໍາມະຊາດຊ່ວຍບໍາລຸງສຸຂະພາບ

ຄວາມຫວານຈາກອ້ອຍທີ່ຄັ້ນອອກມາເປັນນ້ຳອ້ອຍມີປະໂຫຍດກັບເຮົາຫຼາຍກ່ວາຄວາມແຊບ ນ້ຳອ້ອຍສົດເປັນເຄື່ອງດື່ມຄາຍຮ້ອນ ເພາະນ້ຳອ້ອຍທັງຫວານ ຫອມ ດື່ມແລ້ວສົດຊື່ນນ້ຳອ້ອຍຍັງມີປະໂຫຍດຕໍ່ສຸຂະພາບເຮົາອີກມາລອງຮູ້ຈັກປະໂຫຍດຂອງນ້ຳອ້ອຍກັນດີກ່ວາ.

• ແກ້ຫິວນ້ຳ: ນ້ຳອ້ອຍເຍັນໆ ມີລົດຫວານຈາກນ້ຳຕານທີ່ໄດ້ຈາກອ້ອຍຊ່ວຍຄາຍຮ້ອນ ແກ້ການຫິວນ້ຳໃຫ້ຮ່າງກາຍເປັນຢ່າງດີ.
• ຊ່ວຍໃຫ້ຊຸ່ມຄໍແກ້ເສບຫະ: ນ້ຳຕານຈາກອ້ອຍເປັນນ້ຳຕານທຳມະຊາດ ທີ່ມີສານອາຫານແລະວິຕາມິນຫຼາກຫຼາຍຊະນິດດ້ວຍກັນ ຍັງມີສານຕ້ານອະນຸມູນອິດສະຫຼະຢ່າງໂພລີຟີນທີ່ມີສ່ວນຊ່ວຍຕ້ານອາການອັກເສບ ນ້ຳອ້ອຍຈຶ່ງຊ່ວຍໃຫ້ຊຸ່ມຄໍ ແລະ ຊ່ວຍຂັບເສບຫະໄປໃນຕົວ.
• ແກ້ໄອແກ້ເຈັບຄໍ: ນອກຈາກເຮັດໃຫ້ຊຸ່ມຄໍແລ້ວນ້ຳອ້ອຍຍັງຊ່ວຍແກ້ໄອ ແລະ ບັນເທົາອາການເຈັບຄໍໄດ້ດີ ແຕ່ຄວນດື່ມນ້ຳອ້ອຍອຸ່ນໆ ແທນນ້ຳອ້ອຍເຍັນໆ.
• ຊ່ວຍເຕີມພະລັງງານໃຫ້ຮ່າງກາຍໄດ້ທັນທີ: ຄວາມຫວານຂອງນ້້ຳອ້ອຍມີປະໂຫຍດໃນດ້ານຊ່ວຍເຕີມພະລັງງານໃຫ້ຮ່າງກາຍໄດ້ທັນທີທີ່ດື່ມ ສຳລັບໃຜທີ່ມີຮ່າງກາຍທີ່ອ່ອນເພຍພຽງແຕ່ດື່ມນ້ຳອ້ອຍເຍັນໆຈັກຈອກຈະເຮັດໃຫ້ຮູ້ສືກສົດຊື່ນມີແຮງຂື້ນມາທັນທີທີ່ດື່ມ ເນື່ອງຈາກນ້ຳຕານຈາກນ້ຳອ້ອຍຈະໄປເພີ່ມລະດັບນ້ຳຕານໃນເລຶອດ ສົ່ງຜົນໃຫ້ຮ່າງກາຍມີພະລັງງານທັນທີທັນໃດ.
• ຂັບປັດສະວະ: ນ້ຳອ້ອຍມີລິດຂັບປັບສະວະອ່ອນໆ ດື່ມແລ້ວຊ່ວຍໃຫ້ກະຕຸ້ນລະບົບຂັບຖ່າຍດີຂື້ນ ນອກຈາກນີ້ນ້ຳອ້ອຍຍັງມີສັບພະຄຸນຊ່ວຍປ້ອງກັນການຕິດເຊື້ອໃນລະບົບທາງເດີນປັດສະວະ ເພາະນ້ຳອ້ອຍມີສານຕ້ານອະນຸມູນອິດສະຫຼະແລະມີລິດຂັບປັດສະວະທີີ່ຈະຊ່ວຍໄລ່ເອົາເຊື້ອໂລກໃນທາງເດີນປັດສະວະອອກມາດ້ວຍນັ້ນເອງ.
• ບຳລຸງຫົວໃຈ: ບໍ່ແມ່ນດື່ມແລ້ວສົດຊື່ນເທົ່ານັ້ນແຕ່ບູຮານດື່ມນ້ຳອ້ອຍບຳລຸງຫົວໃຈກັນອີກດ້ວຍ.
• ລົດອາການແພ້ທ້ອງ: ນ້ຳອ້ອຍ 1 ຈອກປະສົມກັບນ້ຳຂິງອີກໝ້ອຍໝຶ່ງ ສູດນີ້ຈະຊ່ວຍລົດອາການແພ້ທ້ອງຊ່ວງເຊົ້າໆ ທັງຍັງໄດ້ຄຸນປະໂຫຍດຈາກນ້ຳຂິງເພີ່ມຂື້ນມາອີກ.
• ບຳລຸງຮ່າງກາຍ: ນ້ຳອ້ອຍມີແຄສຊ້ຽມແມັກນີຊ້ຽມ ແລະ ທາດເຫຼັກສູງ ຍັງອຸດົມໄປດ້ວຍວິຕາມີນເອ ບີ 1 ບີ 2 ບີ 3 ບີ 5 ບີ 6 ແລະໂປຕີນຊຶ່ງອາຫານເຫຼົ່ານີ້ຈະຊ່ວຍບຳລຸງດູແລຮ່າງກາຍພ້ອມກັນນັ້ນກໍ່ຊ່ວຍກະຕຸ້ນການເຮັດວຽກຂອງລະບົບພູມຄຸ້ມກັນໄດ້ອີກທາງ.
• ບຳລຸງທາດໃນຮ່າງກາຍ: ນ້ຳອ້ອຍຈະກະຕຸ້ນໃຫ້ຈະເລີນອາຫານ ແລະ ສານອາຫານທີ່ມີປະໂຫຍດຈາກນ້ຳອ້ອຍຍັງຊ່ວຍບຳລຸງທາດໃນຮ່າງກາຍໂດຍສະເພາະຕັບ ໂດຍສານສະນິດໝຶ່ງໃນນ້ຳອ້ອຍຈະຊ່ວຍຄວບຄຸມລະດັບຂອງບິລິຮູບິນ ( Bilirubin) ຊຶ່ງເປັນສານທີ່ເກີດຈາກການແຕກຕົວຂອງເຊວເມັດເລຶອດແດງຊຶ່ງຖ້າຮ່າງກາຍມີສານນີ້ຫຼາຍເກີນໄປກໍ່ອາດຈະເຮັດໃຫ້ປັດສະວະ ອຸດຈະຮະເຫຼືອງແລະສ່ຽງຕໍ່ໂລກດີຊ່ານໄດ້.
• ແກ້ອາການທ້ອງເສຍ: ນ້ຳອ້ອຍມີລິດເປັນຢາລະບາຍອ່ອນໄດ້ອີກ ໂດຍຖ້າຫາກໃຜມີອາການທ້ອງເສຍໃຫ້ດື່ມນ້ຳອ້ອຍສົດ 1 ຈອກ ກ່ອນຮັບປະທານອາຫານເຊົ້າປະມານ 1 ຊົ່ວໂມງ ຈະຊ່ວຍໃຫ້ລະບົບຂັບຖ່າຍເຮັດວຽກໄດ້ດີຂື້ນ.

Credit: www.health.kapook.com